ملتان : ملتان پریس کلب کے انتخابات میں پروفیشنل جرنلسٹس گروپ کی غیر معمولی کامیابی کے بعد گروپ کے نو منتخب عہدیداروں جنرل سیکریٹری مظہر خان ، فنانس سیکریٹری رؤف مان اور نائب صدر سرفراز علی انصاری نے چارج سنبھال لیا اور اپنے دفاتر میں باقاعدگی سے بیٹھنا شروع کر دیا ۔۔ رمضان المبارک کے دوران پریس کلب کی رونقیں رات گئے تک برقرار رہتی ہیں ۔۔
جمعہ کے روز نو منتخب عہدیداران اور دیگر کو مبارکباد دینے کے لیے سینئر ایڈیٹر صاحبان اور بیوروچیفس پریس کلب آئے، جن میں روزنامہ پاکستان کے ایڈیٹر شوکت اشفاق ، روزنامہ قوم کے ایڈیٹر میاں غفار ، روزنامہ خبریں کے ایڈیٹر سجاد بخاری ،چینل 24 نیوز/روہی کے بیورو چیف ڈاکٹر امجد بخاری ، روزنامہ اوصاف کے ایڈیٹر مہر عزیز احمد صاحب، روزنامہ سفیر پنجاب کے ایڈیٹر سعید اللہ درانی ، روزنامہ اعلان کے ایڈیٹر ملک شکیل الرحمٰن حر سابق صدر پریس کلب صدر انجمن صحافیاں دستوراِشفاق احمد ،طارق انصاری ،صفدر بُخاری، شفقت بھٹہ ،مُزمل حسن ملک،حامد ندیم ،ملک شمس الرحمٰن حُر ،ملک وحید الرحمٰن حُر ،ارشدملک سہیل قریشی،شاہد مرزا ور دیگر شامل تھے۔۔
اس موقع پر اراکین پریس کلب کی بڑی تعداد بھی موجود تھی ۔۔ نو منتخب عہدیداروں کو پھولوں کے ہار پہنائے گئے اور گل دستے پیش کیے گئے ۔۔ اس موقع پر خطاب کرتے ہوئے ایڈیٹر صاحبان نے کہا کہ پریس کلب کے نتائج سب نے خوش دلی سے تسلیم کیے ہیں ۔ اب پریس کلب کی بہتری کے لیے آئین کے مطابق اقدامات کی ضرورت ہے تاکہ پریس کلب کا وقار بحال کیا جا سکے ۔۔
فیس بک کمینٹ