اہم خبریں

عیدمیلادالنبیﷺ : روایتی جوش وخروش :

ملتان : ملک بھر کی طرح ملتان سمیت جنوبی پنجاب کے تمام چھوٹے بڑے شہروں،قصبوں اوردیہات میں عیدمیلادالنبی ﷺ کاتہوار روایتی جوش وخروش اور عقیدت واحترام کے ساتھ منایا جارہا ہے جمعہ کے روز مختلف علاقوں سے میلادریلیاں اور جلوس نکالے جائیں گے جن میں لوگوں کی بڑی تعداد شرکت کرے گی۔عیدمیلادالنبیﷺ کے موقع پر عام تعطیل ہے ۔تمام دفاتر اور کاروباری مراکز بند رہیں گے۔دن کا آغاز جشن مولودﷺ کی محافل سے ہوگا ۔عیدمیلادالنبیﷺ کی رات بھی مختلف مساجد ،گھروں اور دیگر مقامات پر درودوسلام اورنعت کی محافل کاخاص اہتمام کیاگیا ۔یہ محافل رات بھر جاری رہیں گی جن میں علمائے کرام سیرت النبیﷺ پر روشنی ڈالیں گے عیدمیلادالنبیﷺ کے موقع پر شہر کے مختلف بازاروں اورسڑکوں کو سبزپرچموں ،جھنڈیوں اور آرائشی محرابوں سے سجایاگیا ہے جبکہ بازاروں ،دفاتر ،گلی محلوں اور مکانات پر چراغاں کااہتمام ہے۔ملتان میں عیدمیلادالنبی ﷺ کامرکزی جلوس ہرسال کی طرح انجمن اسلامیہ کے زیراہتمام دولت گیٹ سے نکالا جائے گا جو شہر کے مختلف علاقوں سے ہوتاہواواپس دولت گیٹ پر اختتام پذیرہوگا۔جلوس کی قیادت مخدوم وجاہت حسین گیلانی، تنویرالحسن گیلانی، یوسف رضاگیلانی،جاوید ہاشمی،احسان الدین قریشی،طارق رشید اوردیگر رہنما کریں گے۔اس موقع پرسکیورٹی کے سخت انتظامات کیے گئے ہیں۔

فیس بک کمینٹ

متعلقہ تحریریں

Leave a Reply

Your email address will not be published.

Adblock Detected

Please consider supporting us by disabling your ad blocker