کرغستان میں زیر تعلیم میڈیکل کے پاکستانی طلبا کورونا وائرس کی وجہ سے شدید مشکلات کا شکار ہوگئے زیر تعلیم پاکستانی طلبہ احمد کاشہ،ولید ساجد،حذیفہ ، ظہور و دیگر نے ایک ویڈیو پیغام جاری کیا ہے جس میں ان کا کہناہے کہ وہ یہاں بہت سارے مسائل سے دوچار ہیں اور سب سے بڑا مسئلہ کھانےپینے کی اشیا اور خوراک کا ہے اور جو پاکستان میں ان کے گھروں سے پیسےآرہے ہیں وہ بھی ان کو نہیں مل پا رہے۔
جب یہ طلبا کھانے پینے کی اشیا لینے باہر جاتے ہیں تو پولیس ان کو روک کر تنگ کرتی ہے باہر جانے کیلئے ذرائع آمدورفت میں مشکلات کا سامنا ہے کیونکہ وہ سال اول کے طالب علم ہیں اور انہیں بائیک وغیرہ چلانے کی اجازت نہیں ہے جب باہر جاتے ہیں تو پولیس پکڑ لیتی ہے یہاں شام7سے صبح8بجے تک کرفیو لگایا ہوا ہے صبح جب وہ کوئی کھانے پینے کی اشیا لینے بازار جاتے ہیں تو پولیس پکڑ لیتی ہے اور پاسپورٹ کا مطالبہ کرتی ہے حالانکہ پاسپورٹ تویونیورسٹی انتظامیہ کے پاس ہے ۔
ہمیں بھاری جرمانہ کیا جاتا ہے ہمارے پاس جرمانہ ادا کرنے کیلئے پیسے نہیں ہیں اور یہاں غیر ملکیوں کی کوئی عزت نہ ہے اپنے لوگوں کو ترجیح دیتے ہیں یہاں وینٹی لیٹر ہیں اور نہ کٹس طبی سہولیات نہ ہونے کے برابرہیں اور اگر ہمیں یہاں کچھ ہوگیا تو ذمہ دار کون ہوگا؟ان طلبا کا کہنا ہےکہ ہماری کلاسز آن لائن کر دی گئی ہیں اور رواں سیشن ستمبر تک چلے گاہماری کلاسز اور امتحان آن لائن ہی ہوں گے جب ہماری کلاسز ہی آن لائن ہونی ہیں تو پھر ہمارا یہاں رہنے کا کیا فائدہ ہے اگر کسی طالب علم کوکورونا ہوگیا تو ذمہ دار کون ہوگا۔
ان کا کہنا تھا کہ کورونا لاک ڈاؤن کی وجہ سے پاکستان میں ان کے والدین کے کاروبار بند ہوچکے ہیں جب وہاں سے پیسے ہی نہیں بھیجیں گے تو وہ گزارہ کیسے کرینگے یہاں ہمیں قرضہ لینے پرمجبور کیا جارہا ہے ان طلبا نے وزیراعظم عمران خان وزیر خارجہ شاہ محمودقریشی ، زلفی بخاری سے مطالبہ کیا ہے کہ وہ نوٹس لیں اور ہمیں واپس بلایاجائے جب باکو اور دیگر علاقوں سے پروازیں چلائی جارہی ہیں تو ہمیں واپس بلایا جائے کیونکہ یہاں کھانے پینے کی اشیا بہت مہنگی ہیں جو آٹا900کا مل رہا تھا اب2900کا مل رہا ہے ہمارے احتجاج پر گھر رہنے پر مجبور کیا جاتا ہے ہم 24دن سے گھرو ں میں محصور ہیں ہمارا کوئی پرسان حال نہیں وزیراعظم عمران خان نوٹس لیں اور چارٹر طیارہ بھیج کر ہمیں فوری واپس بلوائیں واضح رہے کہ ان پاکستانی طلبا کا تعلق ضلع مظفرگڑھ کے قصبہ گجرات سے ہے۔
فیس بک کمینٹ