سرا ئے عا لمگیر (محمد شکیل خلیل سے )کوٹلہ میں تحصیل ہیڈ کوارٹر ہسپتال کی افتتاحی تقریب میں گولیاں چل گئیں۔چوہدری پرویز الٰہی کے بھتیجے چوہدری موسیٰ الہیٰ نے کوٹلہ ہسپتال کا افتتاح کیا تو کو ٹلہ سر کاری ہسپتال کا نام چو ہدری ظہور الہی شہید رکھا گیا جس پر مسلم لیگ (ن) کے ایم این اے چو ہدری عابد رضا کو ٹلہ اور چو ہدری مو سیٰ الہی کے کارکنوں میں تنا زعہ ہو گیااور بات ہوائی فا ئرنگ تک جا پہنچی۔ ہوائی فا ئرنگ میں پو لیس کی بھی دوڑیں لگ گئیں۔
دونوں گروپوں کے درجنوں مسلح افراد کی فائرنگ کے دوران پولیس خاموش تماشائی بنی رہی۔افتتاحی فیتہ کٹنے کے فوراً بعد فائرنگ سے بھگدڑ مچ گئی۔ شدید فائرنگ میں پولیس اور سول یونیفارم میں گارڈز نے بھاگ کر جا نیں بچا ئی۔ کوٹلہ میں ق لیگ اور ن لیگی امیدواروں کی فائرنگ سے علاقہ میں خوف و ہراس پھیل گیا۔ پولیس اہلکار حالات کو کنٹرول کرنے اور مسلح افراد کو پکڑنے میں ناکام رہے۔تر جمان پولیس کا کہنا ہے کہ پولیس کی بھاری نفری موقع پر پہنچی۔ پولیس کا کہنا ہے کہ ذمہ دران کے خلاف سخت کارروائی کی جائے گی۔ تر جما ن چو ہدری برادران کا کہنا ہے کہ افتتاح کے فوری بعد ایم این اے عابد رضا کے بھائیوں نے مسلح افراد کے ہمراہ پولیس اور موسیٰ الہٰی پر حملہ کیا اور شدید فائرنگ کی۔ جبکہ سابق ایم پی اے اور ایم این اے چو ہدری عابد رضا کو ٹلہ کے بھا ئی چو ہدری شبیر کو ٹلہ کا کہنا ہے کہ چوہدری موسیٰ الہٰی کی جانب سے غیر قانونی طور پر ہسپتال کا نام تبدیل کر کے تختی لگائی جا رہی تھی۔ جسے کوٹلہ کی عوام نے ناکام بنا دیا۔ موسیٰ الہٰی کے پرائیویٹ گارڈ زکی جانب سے فائرنگ کی گئی۔
سابق ایم پی اے چو ہدری شبیر کو ٹلہ کی جانب سے اندارج مقدمہ کے لئے تھانہ ککرالی میں درخواست دائر کر دی گئی۔درخواست میں چوہدری موسیٰ الہٰی سمیت 9 افراد کو نامزد اور پینتیس نامعلوم افراد کو شامل کیا گیا ہے درخواست میں موقف اختیار کیا گیا ہے کہ چو ہدری مو سیٰ ا لہی اپنے ساتھیوں سمیت فر ضی کا روائی کر کے کو ٹلہ کے سول ہسپتال کا افتتاح کر نے کے لیے آئے تو مقامی لو گو ں نے انہیں منع کیا جس کے بعد چو ہدری مو سی الہی کے نجی گارڈز نے ہو ائی فا ئر نگ کی اور علاقہ میں خوف وہراس پھیلا یا۔
ڈی پی او گجرات سید غضنفر علی شاہ کی قیادت میں پولیس تھانہ سٹی سرائے عالمگیر نے ہوائی فائرنگ کرنے والا ملزم اسلحہ سمیت گرفتار کر لیا۔
فیس بک کمینٹ