کھیل

پاکستان سپر لیگ کا چھٹا ایڈیشن غیر معینہ مدت کے لیے ملتوی

لاہور : پاکستان سپر لیگ (پی ایس ایل) 6 کے بقیہ میچ غیر معینہ مدت کے لیے ملتوی کردیے گئے ہیں ۔
ذرائع کے مطابق آپریشنل وجوہات کے باعث پی ایس ایل کے بقیہ 20 میچز جو ابوظبی میں شیڈول تھے انہیں غیر معینہ مدت کے لیے ملتوی کردیا گیا ہے۔ ذرائع کا کہنا ہے کہ ایک تو فرنچائزز کی مالی مشکلات کا معاملہ تھا اور دوسرا کورونا ویکیسن کا ایشو تھا، پاکستانی کھلاڑیوں کو تو ویکسین لگوا کر جانا تھا لیکن بہت سے ممالک کے کھلاڑیوں اور سپورٹنگ اسٹاف کی ویکسین کا مسئلہ تھا۔
ذرائع کے مطابق پی ایس ایل 6 کے لیے متحدہ عرب امارات حکومت کی جانب سے کورونا ویکسی نیشن کی چھوٹ نہ مل سکی، وہاں کی گورنمنٹ نے کورونا ویکسی نیشن لازمی قرار دی ہے۔
کراچی میں پی ایس ایل کے بقیہ میچز کروانے کے بارے میں ذرائع کا کہنا ہے کہ این سی او سی نے پی سی بی کو تھوڑا انتظار کرنے کو کہا تھا جب کہ فرنچائزز یو اے ای کا آپشن استعمال کرنا چاہتے تھے۔
پاکستان سپر لیگ 6 کے حوالہ سے پی سی بی اور عرب امارات کی حکومت میں سامنے آنے والی چند شرائط نے صورتحال خراب کردی ہے اور اس حوالہ سے قریب بنا بنایا پروگرام ختم ہو گیا ۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker