اسلام آباد : پنجاب کے وزیر اعلیٰ کا انتخاب مکمل ہونے کےبعد حکومت نے پاکستان تحریک انصاف کے رہنماؤں اور سابق حکومتی عہدیداروں کے خلاف گھیرا تنگ کرتے ہوئے ان کی گرفتاریوں کا فیصلہ کیا اور اس سلسلے میں احکامات جاری کر دیے گئے ہیں ۔
سابق وزیر اعظم عمران خان ، سابق وزیر اعلی عثمان بزدار سابق وزیر داخلہ شیخ رشید ، شہباز گل اور دیگر رہنماؤں کے خلاف زیر التواء مقدمات اور انکوائریوں کا ریکارڈ طلب کر کے تحقیقات کو آگے بڑھانے کا کام تیز کر ددیا گیا ہے ۔
پہلے مرحلے میں ایک دو روز کے دوران فواد چوہدری اور شیخ رشید کو گرفتار کیا جائے گا ۔ ان تمام رہنماؤں کی گرفتاری ضمنی الیکشن اور اس کے بعد وزیر اعلیٰ کے انتخاب تک ملتوی کر دی گئی تھی۔
پہلے مرحلے کی گرفتاریاں عوامی رد عمل کا جائزہ لینے کے لیے کی جا رہی ہیں ۔
فیس بک کمینٹ