’اکیلی ایک لاکھ عورتوں کے برابر ہوں‘، راکھی ساونت نے مفتی قوی کی شادی کی پیشکش ٹھکرادی

بھارتی ڈانسر اور اداکارہ راکھی ساونت نے مفتی قوی کو کہا ہے کہ وہ انہیں سنبھال نہیں پائیں گے۔
راکھی ساونت حالیہ دنوں میں پاکستانی مذہبی اسکالر مفتی عبدالقوی کی شادی کی پیشکش کے باعث خبروں میں ہیں، مفتی قوی نے ایک پوڈکاسٹ میں راکھی سے شادی کی مشروط خواہش کا اظہار کیا تھا۔
راکھی نے مزاحیہ انداز میں جواب دیتے ہوئے کہا کہ وہ مولانا سے شادی کی خواہشمند ہیں اور انہوں نے مفتی قوی سے شاعری کی فرمائش بھی کی تھی۔
مفتی قوی نے راکھی ساونت سے شادی کی تاریخ بھی بتادی
راکھی ساونت نے نجی چینل سے بات کرتے ہوئے اب کہا ہے کہ ’میں مفتی قوی کے ساتھ شادی کے بارے میں سنجیدہ نہیں ہوں‘۔
انہوں نے کہا کہ ’مجھے نہیں معلوم کہ مفتی قوی کی 100 بیویاں ہیں یا 900 لیکن میں اکیلی ہی ایک لاکھ عورتوں کے برابر ہوں اور مفتی قوی مجھے سنبھال نہیں پائیں گے‘۔
بھارتی اداکارہ کا کہنا تھا کہ ’میں ابھی تک سچی محبت کی تلاش میں ہوں، مجھے بھارت سے سچا پیار نہیں ملا، میرے پیچھے بہت لڑکے پڑے ہیں لیکن سب مجھے سیڑھی بنانا چاہتے ہیں‘۔
ایک سوال کے جواب میں راکھی نے کہا کہ ’جب مودی پاکستان آ سکتے ہیں تو میں کیوں نہیں آ سکتی؟ جب میاں بیوی راضی ہیں تو قاضی کیا کر سکتا ہے؟
مفتی قوی کی راکھی کو شادی کی مشروط پیشکش، اداکارہ کا ردعمل آگیا
راکھی سانت نے ہانیہ عامر کی تعریف کرتے ہوئے کہا کہ ’ہانیہ عامر مجھے پسند ہیں، وہ ایک اچھی اور شریف لڑکی ہیں‘۔
واضح رہے کہ اس سے قبل مفتی قوی نے راکھی ساونت سے شادی کی تاریخ بتائی تھی، نجی ٹی وی کے پروگرام میں گفتگو کرتے ہوئے مفتی قوی نے دعویٰ کیا کہ ان کا راکھی ساونت سے نکاح ہونے جارہا ہے۔
خاتون میزبان کے استفسار پر مفتی قوی نے بتایا کہ راکھی ساونت نے نکاح کے لیے 14 فروری کہا ہے، مفتی قوی نے میزبان کو بھی پیشکش کی کہ وہ ان کے ساتھ نکاح میں شرکت کریں اور گواہ بنیں۔
(بشکریہ:جیونیوز)