اہم خبریں

سابق ایم پی اے سردار عاطف مزاری فاتر العقل بیٹے کے ہاتھوں قتل

راجن پور : سابق ممبر صوبائی اسمبلی سردار عاطف خان مزاری کو ان کے فاتر العقل بیٹے نے قتل کر دیا ۔ ان کی میت کو ڈی ایچ کیو ہسپتال راجنپور منتقل کیاگیا ہے ۔
سردار عاطف خان مزاری پاکستان مسلم لیگ ن کے دیرینہ کارکن تھے۔عاطف خان مزاری 2بار رکن صوبائی اسمبلی رہ چکے ہیں۔واقعہ کی اطلاع ملتے ہی ڈپٹی کمشنر ذوالفقار علی کھرل اور ڈی پی او احسن سیف اللہ بھی ہسپتال پہنچ گئے۔ جبکہ علاقہ مکینوں کی کثیر تعداد بھی ہسپتال پہنچ گئی۔ ڈی پی او راجنپور احسن سیف اللہ نے بتایاکہ ابتدائی تحقیق کیمطابق عاطف خان مزاری پر انکے بڑے بیٹے باسط مزاری کے ہاتھوں حادثاتی طور پر کلاشنکوف سے گولی چل گئی جس سے وہ شدید زخمی ہو گئے جنہیں ڈی ایچ کیو ہسپتال راجنپور منتقل کیا گیا مگر وہ جانبر نہ ہوسکے۔تھانہ عمر کوٹ میں عاطف خان کے بیٹے ریحان مزاری کی مدعیت میں مقدمہ درج کیاجارہاہے۔ انہوں نے بتایا کہ عاطف خان اپنے آبائی علاقہ عمر کوٹ موجود تھے، جہاں یہ واقعہ پیش آیا، نعش کو پوسٹ مارٹم کے بعد ورثاء کے حوالے کر دیا گیا ہے۔ واقعہ کی مزید تحقیق جاری ہے۔ خاندانی ذرائع کیمطابق باسط مزاری فاتر العقل ہے۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker