کراچی: پاک فوج کے شعبہ تعلقات عامہ کے مطابق آرمی چیف جنرل سید عاصم منیر نے کور ہیڈ کوارٹرز کراچی کا دورہ کیا، کور کمانڈر کراچی نے ان کا استقبال کیا، دورہ کے دوران آرمی چیف کراچی پولیس آفس (کے پی او) بھی گئے۔آئی ایس پی آر کے مطابق آرمی چیف کے ساتھ وزیر اعلیٰ سندھ بھی موجود تھے، آرمی چیف جنرل سید عاصم منیر کو کراچی پولیس آفس میں دہشت گردی کے واقعے کی بریفنگ دی گئی۔آئی ایس پی آر کے مطابق آرمی چیف جنرل سید عاصم منیر نے کہا کہ دہشت گردوں کا کوئی مذہب اور نظریہ نہیں، کوئی قوم اس طرح کے چیلنجز کا سامنا صرف زمینی آپریشن سے نہیں کر سکتی، مل کر دہشتگردی سے نمٹیں گے۔
آرمی چیف نے کہا کہ چیلنجز سے نمٹنے کے لیے تمام سٹیک ہولڈرز کا تعاون ضروری ہے، ہم سب کا مستقبل خوشحال ہو گا، آرمی چیف نے جوانوں کی بہادری اور حوصلے کو سراہا، آرمی چیف اور وزیر اعلیٰ سندھ نے زخمیوں کی عیادت بھی کی۔وزیر اعلیٰ سندھ نے قانون نافذ کرنے والے اداروں کی دہشت گردی کے خلاف قربانیوں کو خراج عقیدت پیش کیا۔
آئی ایس پی آر کے مطابق آرمی چیف اور وزیر اعلیٰ سندھ نے کراچی پولیس آفس کے علاوہ پوسٹ گریجویٹ میڈیکل کالج کا بھی دورہ کیا۔یاد رہے کہ گزشتہ رات سی ٹی ڈی سندھ اور پاکستان آرمی کے ایس ایس جی کمانڈوز نے دہشت گردوں کے خلاف آپریشن کیا تھا، آئی ایس پی آر کے مطابق آپریشن میں پاکستان رینجرز سندھ اور سندھ پولیس بھی شامل تھی۔
بشکریہ دنیا نیوز
فیس بک کمینٹ
# intelligence-based operations # Karachi Police Office # security forces # Terrorists have no religious or ideological moorings #Chief Minister Syed Murad Ali Shah #Chief of Army Staff #Chief of Army Staff Gen Syed Asim Muni #Corps Headquarters #counter-terrorism #gird o pesh #girdopesh #Inter-Services Public Relations #ispr #KPO #rangers #sindh #Terrorists have no religious or ideological moorings: COAS COAS says after Karachi attack آئی ایس پی آر آرمی چیف آرمی چیف جنرل سید عاصم منیر دہشت گردوں کا کوئی مذہب اور نظریہ نہیں، مل کر نمٹیں گے، آرمی چیف گردوپیش