ملتان (اے پی پی):پی پی 217ملتان کے ضمنی الیکشن میں پاکستان مسلم لیگ (ن )اورپاکستان تحریک انصاف کے امیدوارمدمقابل ہیں ۔دونوں امیدواروں میں قدر مشترک یہ ہے کہ دونوں نئی نسل سے تعلق رکھتے ہیں اورایک ایک مرتبہ ایوان اقتدارمیں بھی رہ چکے ہیں ۔
مسلم لیگ ن کے امیدوارسلمان نعیم کو مخدوم شاہ محمود قریشی نے سیاست میں متعارف کرایاتھا۔2018ءکے الیکشن میں وہ پی ٹی آئی کی جانب سے ٹکٹ جاری نہ کئے جانے پرشاہ محمود قریشی کے خلاف آزادحیثیت میں پنجاب اسمبلی کاالیکشن لڑے۔ان انتخابات میں سلمان نعیم نے 35294ووٹ حاصل کئے جبکہ مخدوم شاہ محمود قریشی کو31716ووٹ ملے ۔پنجاب اسمبلی کارکن منتخب ہونے کے بعد وہ پاکستان تحریک انصاف میں شامل ہوگئے اوربعدمیں پی ٹی آئی سے اختلافات کی وجہ سے جہانگیرترین گروپ کاحصہ بن گئے ۔جہانگیرترین گروپ کے رکن کی حیثیت سے انہوں نے وزیراعلیٰ پنجاب کے الیکشن میں حمزہ شہباز کوووٹ دیا جس کے بعد پی ٹی آئی کی درخواست پرالیکشن کمیشن نے انہیں ڈی سیٹ کردیا۔
دوسری جانب پاکستان تحریک انصاف کے امیدوار زین قریشی 2018ءکے انتخابات میںسید یوسف رضاگیلانی کے صاحبزادے علی موسیٰ گیلانی کو شکست دے کر این اے 157ملتان چارسے قومی اسمبلی کے رکن منتخب ہوئے تھے انہوں نے 77ہزار371ووٹ حاصل کئے جبکہ ان کے مدمقابل علی موسیٰ گیلانی کو 70ہزار 830ووٹ ملے ۔
فیس بک کمینٹ