اٹک آئل فیلڈ کے ایڈمن مینیجر پر مزدوروں کا تشدد : ویڈیو وائرل ہو گئی

پنڈی گھیپ : اٹک آئل فیلڈ خورکے مشتعل مزدوروں نے مبینہ طورپر ایڈمن منیجر لیفٹیننٹ کرنل (ر) ظفر منیر کو اغواءکیا اور برہنہ کر کے دفتر سے گھسیٹتے ہوئے سڑک پر لے آئے۔مزدوروں کا موقف تھا کہ ایڈمن منیجر انہیں گالیاں دیتا ہے اور ذہنی اذیت دیتا ہے۔٢٨ جنوری کو پیش آنے والے اس واقعہ کی ایف آئی آر آئل فیلڈ کے 40 مزدوروں کے خلاف درج کرکے 19کو گرفتار کرلیاگیا ہے جبکہ 10افراد نے ضمانت قبل ازگرفتاری کروالی ہے۔
ظفرمنیر کی جانب سے درج کرائی گئی ایف آئی آر میں کہا گیا ہے کہ وہ اپنے دفتر میں ڈپٹی منیجر آیان ریاض کے ہمراہ بیٹھے ہے تھے کہ پانچ مسلح افراد زبردستی دفتر میں گھسے اور انھیں تشدد کانشانہ بنانا شروع کردیا۔اسی دوران باقی لوگ گاڑیوں پر پہنچے اور انہوں نے نعرے بازی شروع کردی۔ وہ انہیں برہنہ کرکے عطا ڈپو کی جانب لے گئے اور بے پناہ تشدد کانشانہ بنایا۔ اس واقعہ کی ویڈیو بھی سوشل میڈیا پر وائرل ہوگئی ہے۔پولیس کے مطابق باقی 11ملزمان کی گرفتاری کے لیے چھاپے مارے جارہے ہیں اور گرفتارشدگان کا ڈیوٹی مجسٹریٹ سے دوروز کا جسمانی ریمانڈ حاصل کرلیاگیا ہے۔