کورونا لاک ڈاؤ ن،گھر میں کرکٹ کھیلنے والے بھی دھر لئے گئے ۔۔ عمران عثمانی

اپنے گھر کے لان میں کرکٹ کھیلنے والے بھی پولیس کی پکڑ میں آگئے. 5 کرکٹرز کو 8ہزار ڈالرز سے زیادہ کا جرمانہ ہوگیا.
آسٹریلیا کی پولیس نے وکٹوریہ میں 5 افراد کو کرکٹ کھیلتے دیکھا تو انہیں موقع پر جرمانہ کردیا. کورونا وائرس کی وجہ سے آسٹریلیا میں مکمل لاک ڈائون ہے. خلاف ورزی پر پورے ملک اور خاص کر وکٹوریہ میں جرمانے بھی سخت ہیں. پولیس نے 1652 پائونڈ فی کس کے حساب سے جرمانہ کیا ہے. پولیس نے منگل کو 957 جگہ پر ریڈ کیا جس میں گھر ،فیکٹریز اور کاروباری ادارے شامل تھے .70 کیسز رجسٹرڈ ہوئے اور انہیں جرمانے کئے گئے. اسی سلسلہ میں پولیس کے ہاتھوں ایک 17 سالہ لڑکے پر بھی جرمانہ کیا گیا جو بعد میں واپس لے لیا گیا. کوئنز لینڈ میں 1350 آسٹریلوی ڈالرز کے تحت جرمانہ ہوتا ہے.
کورونا سے آسٹریلیا بھی متاثر ہے. فٹبال ،رگبی سمیت کرکٹ و دیگر ایونٹس منسوخ کئے جاچکے ہیں. حکومت سخت لاک ڈائون کے ذریعہ کورونا پر جلد قابو پانا چاہتی ہے. سال کے آخر میں ورلڈ ٹی 20 کے انعقاد کو یقینی بنانے کی کاوشیں بھی تیز ہوگئی ہیں.