نامور صحافی اور شاعر سعود ساحر انتقال کر گئے

اسلام آباد:ممتاز صحافی، دانش ور اور شاعر سعود ساحر اسلام آباد میں انتقال کر گئے۔ان کے بیٹے عمر فاروق نے ان کے انتقال کی تصدیق کی ہے۔
تفصیلات کے مطابق نامور صحافی اور شاعر سعود ساحر طویل عرصے سے علیل تھے۔شاعر سعود ساحر کی نماز جنازہ آج بعد از نمازِ ظہر اسلام آباد کی جامع مسجد نور ڈی ایچ اے 2 میں ادا کی جائے گی۔
مرحوم سعود ساحر روزنامہ جسارت، روزنامہ امت، ہفت روزہ تکبیر اور ہفت روزہ زندگی سے وابستہ رہے اور کئی معرکہ آراء تحریریں ان کے قلم سے نکلیں، وہ جرنلسٹ ٹریڈ یونین کے بھی متحرک رہنما تھے ان کا بے لاگ اور بے باک انداز مشہور تھا۔ سعود ساحر کئی مرتبہ آر آئی یو جے کے صدر اور راولپنڈی پریس کلب کے صدر بھی رہ چکے ہیں۔
(بشکریہ: روزنامہ جنگ)