ملتان (اے پی پی):نامورفلمساز،ڈائریکٹر اور کہانی نگار زوار بلوچ نے کہا ہے کہ اداکارافضال احمد اپنی نوعیت کے منفرداداکارتھے جنہوں نے پاکستان کی فلم انڈسٹری پرانمٹ نقوش مرتب کئے۔ان خیالات کااظہارانہوں نے سخن ورفورم کےزیراہتمام ملتان آرٹس کونسل کی ادبی بیٹھک میں افضال احمد کی یادمیں تعزیتی ریفرنس سےصدا رتی خطاب کے دوران کیا ۔
تقریب کے مہمان خصوصی آرٹسٹ ایسوسی ایشن کے صدر رمضان شہزاد ،نامور ماہر تعلیم اوردانشور ڈاکٹرحمیدرضاصدیقی ،معروف صحافی اورشوبزتقریبات کے منتظم ناصرمحمودشیخ اورمعروف قلمکار اورافضال احمد کے دوست جہانزیب دھرالہ تھے ۔اس موقع پرسٹیج اورفلم سے تعلق رکھنے والی نامور شخصیات نے خطاب کیا۔زواربلوچ نے مزید کہاکہ افضال احمد کی اپنے فن کے ساتھ شدید وابستگی تھی ۔انہوں نے تماثیل تھیٹر کے ذریعے سٹیج ڈرامہ کے فروغ میں نمایاں کرداراداکیا۔جہانزیب دھرالہ نے کہاکہ میری ان کے ساتھ ذاتی وابستگی تھی ،میں نے انہیں بہت قریب سے دیکھا ۔ڈاکٹرحمیدر ضاصدیقی نے کہاکہ افضال احمد مکالموں کی ادائیگی پردسترس رکھتے تھے ۔ملتان آرٹس کونسل کے ڈائریکٹرسلیم قیصرنے کہاکہ افضال احمد نے ٹی وی اورفلم کے ذریعے انمنٹ نقوش چھوڑے ،مکالموں کی ادائیگی میں ان کاکوئی ثانی نہیں تھا۔ناصرمحمودشیخ نے کہاکہ ہم فنکار کو اس کی زندگی میں نظراندازکرتے ہیں، آج ہمایوں قریشی بھی ایسی ہی صورتحال سے دوچارہیں ،حکومتوں اوراداروں کوان پرتوجہ دینی چاہیے۔ندیم ملک ،سیف بوٹا اورطاہر رفیق نے کہاکہ وہ محبت کرنے والے انسان تھے۔اکبرہاشمی نے کہاکہ ان کی موت جن حالات میں ہوئی وہ افسوسناک ہے ۔
فیس بک کمینٹ