ملتان : نامور افسانہ نگار ،ڈرامہ نویس،ناول نگار اور براڈ کاسٹر اشفاق احمد کو ہم سے بچھڑے 20 برس بیت گئے۔اشفاق احمد 22 اگست 1925 ء کوہوشیار پور کے گاوں خان پور میں پیدا ہوئے تعلیمی زندگی کا آغاز فیروز پور سے کیامیٹرک اور انٹر کے بعد ان کا خاندان ہجرت کر کے لاہور آ گیا۔
ایم اے انہوں نے گورنمنٹ کالج لاہور سے کیا اسی کالج میں بانو قدسیہ بھی پڑھتی تھیں جو ان کی شریک حیات بنیں۔اشفاق احمد نے لیکچرار کے طور بھی خدمات انجام دیں۔ریڈیو پاکستان لاہور سے ان کے پروگرام تلقین شاہ کو بے پناہ شہرت ملی،جنگ ستمبر کے دوران اس پروگرام کے ذریعے انہوں نے عوام اور مسلح افواج کے حوصلے بلند کیے۔پی ٹی وی کے لیے انہوں نے ایک محبت سو افسانے اور توتا کہانی جیسے لازوال ڈرامے لکھے ۔
ان کے افسانوں کے 13 مجموعے شائع ہوئےان کی کتابوں کی مجموعی تعداد 70 سے زیادہ ہے انہیں ان کی خدمات پر صدارتی تمغہ حسن کار کردگی اور ستارہ امتیاز سے نوازا گیا۔7 ستمبر 2004 ء کو وہ 79 سال کی عمر میں انتقال کر گئے۔
فیس بک کمینٹ