ماسکو:وزیر خارجہ بلاول بھٹو زرداری کے دورہ ماسکو میں روس نے پاکستان کی توانائی کی ضروریات پوری کرنےکے لئے بھرپور تعاون کی یقین دہانی کرائی ہے۔وزیرخارجہ بلاول بھٹو زرداری نےماسکو میں روسی ہم منصب سرگئی لاروف کے ساتھ مشترکہ پریس کانفرنس میں کہا کہ پاکستان کو توانائی کی قلت کا سامنا ہے، امید ہے کہ میرے روس کے دورے میں اس سلسلے میں مثبت پیش رفت ہوگی، توقع ہےکہ دوسرے ممالک روس کے ساتھ باہمی تعلقات میں مداخلت نہیں کریں۔
بلاول بھٹو زرداری نےکہا کہ تنازعات کا پر امن حل اور روس کے ساتھ تعلقات کو مزید فروغ دینا چاہتے ہیں، تمام شعبوں میں روسی وزیر خارجہ کے ساتھ دوستانہ ماحول میں گفتگو ہوئی، پاکستان اور روس کے تعلقات دو طرفہ اور علاقائی استحکام کےلئے اہم ہیں اور پاکستان روس کے ساتھ تعلقات کوبڑی اہمیت دیتا ہے۔
اس موقع پر روسی وزیر خارجہ سرگئی لاروف کا کہنا تھا کہ پاکستان اور روس کا مختلف عالمی فورمز میں تعاون سے متعلق یکساں موقف ہے، پاکستان کے ساتھ مختلف شعبوں میں تعاون جاری ہے، پاکستان کی توانائی کی ضروریات پوری کرنےکے لیے بھرپور تعاون کریں گے۔
روسی وزیر خارجہ کا کہنا تھا کہ افغانستان میں قیام امن کے لئے پاکستان اور روس اپنی کاوشیں جاری رکھیں گے، غیر جانبدارانہ پوزیشن کے حوالے سے پاکستان کا موقف قابل تحسین ہے۔
بشکریہ جیو نیوز
فیس بک کمینٹ
# Shanghai Cooperation Organisation #afghanistan #bilawal bhutto zardari #crude oil #foreign minister #Foreign ministers #gird o pesh #girdopesh #Minister of Foreign Affairs Bilawal Bhutto-Zardari #MOSCOW #pakistan #Pakistan and Russia #russia #russia and ukrine war #Russia vows to 'cooperate fully' with Pakistan on energy #Russian crude oil #Russian Foreign Minister #Russian Foreign Minister Sergey Lavrov #SCO #Sergey Lavrov #Ukrainian بلاول بھٹو زرداری روس روس سےتعلقات بڑھانا چاہتےہیں، امید ہے دوسرے ممالک مداخلت نہیں کریں گے: بلاول سرگئی لاروف گردوپیش ماسکو وزیر خارجہ بلاول بھٹو زرداری