ملتان ۔۔۔ملک بھر کی طرح آج ملتان سمیت پورے جنوبی پنجاب میں پاکستان پیپلز پارٹی کے بانی چیئرمین اور سابق وزیراعظم ذوالفقار علی بھٹو کی 46 ویں برسی منائی جا رہی ہے۔ سابق وزیراعظم ذوالفقار علی بھٹو کو 1979 میں آج ہی کے دن راولپنڈی میں پھانسی دی گئی تھی۔
سپریم کورٹ پچھلے سال مارچ میں یہ فیصلہ دے چکی کہ ذوالفقار علی بھٹو کا مقدمے میں ٹرائل منصفانہ نہیں تھا ۔ ذوالفقار علی بھٹو کی 46 ویں برسی کے موقع پر ملتان اور دیگر شہروں میں بھی خصوصی تقریبات منعقد ہوئیں جن میں بھٹو صاحب کے ایصال ثواب اور صدر آصف علی زرداری کی صحت یابی کے لیے خصوصی دعائیں کی گئیں ۔ ملتان سے پارٹی کارکنوں کی بڑی تعداد برسی کی مرکزی تقریب میں شرکت کے لیے گڑھی خدا بخش میں موجود ہے ۔ ملتان میں برسی کی تقریب سے خطاب کرتے ہوئے پیلز پارٹی کے ضلعی صدر خالد حنیف لودھی نے کہا کہ پیپلز پارٹی کی تاریخ قربانیوں سے رقم ہے ۔ ہم آج بھی چئیرمین بھٹو اور بے نظیر بھٹو شہید کے ویژن کے مطابق عوام کے حقوق اور جمہوریت کی سربلندی کے لیے کوشاں ہیں ۔
فیس بک کمینٹ