ملتان ۔۔ گرووپیش نیوز رضی الدین رضی سے ۔۔۔ سرائیکی پارٹی کے بانی ، نام ورسیاسی رہنما اور دانش ور منصورکریم خان سیال کی آج پہلی برسی ہے وہ گزشتہ برس 29 مارچ کو طویل علالت کے بعد 76برس کی عمر میں ا نتقال کر گئے تھے ۔
منصور کریم کئی برس سے فالج کا شکار تھے. …
منصور کریم سرائیکی خطے کی سیاست، ثقافت اور تہذیب کا ایک مضبوط حوالہ تھے. بالخصوص ملتان شہر میں ادب و مکالمہ اور مجلسی زندگی کا تذکرہ منصور کریم کے ذکر کے بغیر ادھورا رہتا ہے.، 70 کی دہائی میں ولی خان کی نیشنل عوامی پارٹی سے لےکر تاج لنگاہ کی سرائیکی پارٹی تک خطے میں ترقی پسندانہ سیاسی روایت کے امین رہے. ان کا گھر ہمیشہ وسیب بھرسے آنے والے نظریاتی سیاسی کارکنوں کا مرکز و محور سمجھا جاتا تھا.
فیس بک کمینٹ