ملتان :مختلف سیاسی و سماجی تنظیموں اور سیاسی حلقوں نے کہا ہے کہ ہم سینئر صحافی دانش ور اور سماجی کارکن فہیم عامر کو دی گئی مبینہ دھمکیوں کی مذمت کرتے ہیں ۔ فہیم عامر کاتعلق پیپلز ڈیموکریٹک فرنٹ سے ہے جس کے بانی معروف انقلابی ڈاکٹر رشید حسن خان تھے ۔فہیم عامر کا کہنا تھا کہ ن لیگ ہو یا پی ٹی آئی، پیپلز پارٹی یا دیگر مذہبی جماعتیں ان کا محنت کش عوام کی بہتری کا کوئی منشور نہیں ہے کسی بھی جماعت میں بچوں کی شرح اموات میں کمی کا کوئی پروگرام نہیں دیا کسی نے طلبہ کو گریجویشن تک مفت اور معیاری تعلیم دینے کا وعدہ تک نہیں کیا طلبہ یونین کی بحالی کا اعلان نہیں کیا ان میں سے کسی کے پاس بھی مزدوروں اور کسانوں کی بہتری کا لائحہ عمل نہیں ہے اس لئے ہم نے الیکشن کا مکمل بائیکاٹ کررکھا ہے ہم سمجھتے ہیں کہ ریاست کی سرپرستی میں چلنے والی جمہوریت اپنی فطرت میں آ مرانہ ہے۔اسی لئے وہ ہمیں لا پتہ کرنے کی دھمکیاں دے رہے ہیں ۔ فہیم عامر نے کہا پی ڈی ایف کے کارکنان ریاست کی دھمکیوں میں آنے والے نہیں وہ ہر حال میں اپنی انقلابی جدوجہد جاری رکھیں گے
گردو پیش اورتمام صحافی برادری فہیم عامر کو ملنے والی مبینہ دھمکیوں کی پر زور مذ مت کرتی ہے اور اپیل کرتی ہے کہ اپنا اپنا سیاسی نظریہ رکھنا اور ووٹ دینا یا نہ دینا ہر شہری کا آئینی حق ہے اور مشکل کی ہر گھڑی میں صحافی برادری فہیم عامر کیساتھ ہے ۔
فیس بک کمینٹ