تجزیےعمران عثمانیکھیللکھاری

ملتان ، کراچی اور پشاور کے بعد آج سیمی فائنل کا ٹکٹ کسے ملے گا ؟ عمران عثمانی کا تجزیہ

کراچی کنگز اسلام آباد یونائیٹڈ کو ہرا کر اپنے ساتھ قریب پشاور زلمی کو بھی سیمی فائنل میں لے گیا۔ یونائیٹڈ ٹیم آخری میچ میں آخری شکست کے ساتھ ہی سیمی فائنل سے باہر ہوگئی . اس طرح ملتان،کراچی اور پشاور زلمی کی فائنل 4 میں ٹکٹ کنفرم ہوگئ ہے۔ چوتھی و آخری ٹیم کوئٹہ ہوگی یا لاہور؟ اس کےلئے اتوار کے میچ فیصلہ کن ہونگے۔ 2 مرتبہ کی چیمپئن یونائیٹڈ ٹیم پی ایس ایل تاریخ میں پہلی بار فائنل 4 سے باہر ہوئی ہے ۔
کراچی کنگز نے اسلام آباد یونائیٹڈ کو 4 وکٹوں سے شکست دے کر سیمی فائنل میں رسائی حاصل کرلی ہے۔میچ میں ناکامی کے باعث اسلام آباد یونائیٹڈ کی ٹیم ایونٹ سے باہر ہوگئی ہے۔ اسلام آباد یونائیٹڈ کی ٹیم اس سے قبل 2 مرتبہ ٹائٹل جیت چکی ہے۔نیشنل اسٹیڈیم کراچی میں کھیلے گئےلو اسکورننگ میچ میں کراچی کنگز نے 137 رنز کا ہدف 4گیندیں قبل 6وکٹوں کے نقصان پر حاصل کیا۔ شرجیل خان نے 14 گیندوں پر 37 رنز بناکر مین آف دی میچ کا ایوارڈ جیتا۔ٹاپ آرڈر بلے بازوں حسین طلعت اور فل سالٹ کے علاوہ اسلام آباد یونائیٹڈ کے کسی اور کھلاڑی نے بہترکارکردگی کا مظاہرہ نہ کیا ۔ حسین طلعت نے 4 چوکوں کی مدد سے 37 جبکہ فل سالٹ نے 3 چوکوں اور ایک چھکے کی بدولت 25 رنز بنائے۔دونوں کھلاڑیوں کے پویلین واپس لوٹتے ہی اسلام آباد یونائیٹڈ کااسکور بورڈ پر بڑا مجموعہ سجانے کا خواب بھی چکنا چور ہوگیا۔ اسلام آباد یونائیٹڈ نے مقررہ 20 اوورز میں 6 وکٹوں کے نقصان پر 136 رنزبنائے۔
مطلوبہ ہدف کے تعاقب میں کراچی کنگز کے اوپنر شرجیل خان نے پہلے اوور میں فاسٹ باؤلر موسیٰ خان کو 20 رنز جڑ کر اننگز کا جارحانہ آغاز کیا۔ انہوں نے بابراعظم کے ہمراہ30 گیندوں پر60 رنز کی ابتدائی شراکت قائم کی۔شرجیل خان 14گیندوں پر 4 چھکوں اور 3 چوکوں کی بدولت 37 رنز بناکر آؤٹ ہوئے۔بابراعظم نے 18 رنز بنائے۔کپتان عماد وسیم 32 گیندوں پر 26 رنز بناکر آؤٹ ہوئے۔118 رنز کے مجموعے پر 6 وکٹیں گنوانے والی کراچی کنگز کو جیت کے لیے آخری14 گیندوں پر19 رنز درکار تھے کہ عمید آصف نے ایک چھکا اور ایک چوکا لگا کرٹیم کو فتح دلادی۔ کراچی کنگز نے مطلوبہ ہدف 4 گیندیں قبل حاصل کرلیا۔عمید آصف 13 اور کرس جارڈن 6 رنزبناکر ناٹ آؤٹ شرجیل خان کو مین آف دی میچ قرار دیا گیا۔
آخری 2 گروپ میچز15 مارچ اتوار کو کھیلے جائیں گے۔ لاہور قلندرز اور ملتان سلطانز کی ٹیمیں دوپہر 2 بجے قذافی اسٹیڈیم لاہور جبکہ کراچی کنگز اور کوئٹہ گلیڈی ایٹرز کی ٹیموں کے مابین میچ شام 7 بجے نیشنل اسٹیڈیم کراچی میں کھیلا جائےگا۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker