کرکٹ تماشائیوں کا خوف،بارڈر بند،سیمی فائنل میں پہنچنے والا خود دوڑ گیا،امریکا میں ورلڈ کپ ۔۔ عمران عثمانی کا ون ڈے راؤنڈ اپ

انگلش کرکٹ فینز بھی یورپی فٹبال مداحوں کی طرح اپنے کریز میں مشہور ہیں اور اس سلسلے میں آپ نے با رمی آرمی کا نام تو سنا ہوگا، اگر نہیں تو مختصر یہ کہ یہ انگلش کرکٹ فینز کا ایک تنظیمی گروپ ہے جس کا آفس بھی ہے اور عہدیدار بھی. یہ ملکی اور غیر ملکی سیریز میں باقاعدہ پلاننگ کے ساتھ گروہ در گروہ اپنی ٹیم کی حوصلہ افزائی کرنے پہنچ جاتے ہیں.
اب دلچسپ قصہ یہ ہے کہ حسب سابق انہوں نے انگلینڈ کے دورہ سری لنکا میں بھی تیار پکڑ لی.کچھ تو ٹیم کے ساتھ کولمبو پہنچ گئے اور کچھ نے 19 مارچ سے قبل کی بکنگ کرالی تھی کہ پہلا ٹیسٹ اسی تاریخ سے شروع ہونا تھا
لیکن خدا کا کرنا یہ ہوا کہ کورونا وائرس کی وجہ سے انگلش ٹیم کا دورہ سری لنکا وار م اپ میچ کے دوران ختم ہوگیا. اب اس میں عجب بات یہ ہوئی کہ انگلش ٹیم اتوار 15 مارچ کو کولمبو سے لندن پہنچ گئی لیکن انگلش کرکٹ فینز لندن سے کولمبو جانے کے لئے مصر ہیں
مطلب جو کرکٹ تماشائی پہلے سے سری لنکا پہنچے وہ واپس اپنے ملک نہیں جارہے اور جو انگلینڈ سے سری لنکا میچ دیکھنے کیلئے آنا چاہتے تھے وہ سیریز کی منسوخی کے باوجود اب بھی سری لنکا جانے کیلئے بضد ہیں .
سونے پے سہاگا یہ کہ سری لنکن حکومت ملک میں کورونا کیسز بڑھنے کی ایک وجہ برطانوی شہریوں کی اپنے ملک آمد بھی سمجھتی ہے اور کولمبو میں پہلے سے موجود انگلش تماشائیوں کی فوری واپسی چاہتی ہے مگر اس کی پریشانی اس وقت مزید بڑھ گئی کہ جب انہیں معلوم ہوا کہ سیریز منسوخی کے باوجود انگلش کرکٹ فینز سری لنکا اب اپنی چھٹیاں ہی منانے کیلئے آنا چاہتے ہیں تو لنکن حکومت کی پریشانی اور بڑھ گئی .
آخر سری لنکا حکومت نے حل یہ نکالا کہ 16 مارچ سے اس نے انگلینڈ کیلئے اپنا بارڈر بند کرنے اور کسی بھی فلائٹ کے سری لنکا نہ اترنے کا حکم جاری کردیا ہے.
**قلندر ز کو سیمی فائنل میں پہنچانے والے کرس لین لاہور چھوڑ گئے **
لاہور قلندر ز کو آخری لیگ میچ میں ملتان کیخلاف شاندار سنچری سے فتح دلوانے والے آسٹریلیا کے ٹی 20 سٹار کرس لین سیمی فائنل چھوڑ کر وطن روانہ ہورہے ہیں. انہوں نے سوشل میڈیا پر پیغام جاری کیا ہے کہ وہ قلندر ز کیلئے نیک خواہشات کا اظہار کرتے ہیں. زندگی زیادہ اہم ہے.
لین کو آسٹریلیا پہنچنے پر 14 دن میڈیکل نگرانی میں گزارنے پڑیں گے.لین کے ہم وطن بین ڈنک نے پی ایس ایل اختتام تک پاکستان رکنے کا فیصلہ کیا ہے.
**پی سی بی کیا کچھ ملتوی کرنے جا رہا **
پاکستان کرکٹ بورڈ نے پی ایس ایل فائنل کے بعد ملک میں ہر قسم کی کرکٹ ملتوی کرنے کا فیصلہ کیا ہے. فوری طور پر اس سے پاکستان ون ڈے کپ اور بنگلہ دیش کا دورہ پاکستان التوا کا شکار ہوگا. پی سی بی باقاعدہ اعلان جلد کرےگا.
**امریکا پہلی بار ورلڈ ٹی 20 کا میزبان،درخواست جمع**
امریکا نےپہلی بار آئی سی سی گلوبل ایونٹ کی میزبانی کے لئے درخواست دے دی ہے. 2023 سے 2031 کے فیوچر ٹور پروگرام میں ویسٹ انڈیز کے ساتھ ملکر امریکا نے میزبانی کے حصول کا ابتدائی مرحلہ طے کرلیا. 2026 یا 2030 کے ورلڈ ٹی 20 کی میزبانی کیلئے دونوں ملک مشترکہ طور پر میزبانی کریں گے.
آئی سی سی نے اگر یہ بڈ منظور کرلی تو ورلڈ سپورٹس کیلئے یہ بڑا اہم لمحہ ہوگا. ماضی میں کوئی بھی ایسوسی ایٹ (ٹیسٹ سٹیٹس نہ رکھنے والا)ملک کبھی بھی 2 میچز سے زیادہ گلوبل ایونٹ کی میزبانی نہیں کرسکا. اگر ایسا ہوا تو امریکا پہلا ملک ہوگا جو اتنے زیادہ میچز کی میزبانی اس درجہ میں کرےگا.
انٹر نیشنل کرکٹ میں آئی سی سی گلوبل ایونٹ کی میزبانی میں ایک نئے ،بڑے مگر کرکٹ میں غیر فعال ملک کا اضافہ ہوجائے گا .امریکا نے اگلے آئی سی سی سائیکل میں گلوبل ایونٹ کی میزبانی کا حتمی فیصلہ کرلیا ہے .امریکی کرکٹ بورڈ کے چیئرمین پراگ مراتهی اور چیف ایگزیکٹو این ہیگنز نے بورڈ اجلاس میں ان فیصلوں کی توثیق کی تھی.
آئی سی سی نے اس سال 2020 میں 2023 سے 2031 کے 8سالہ جدید اور ایونٹس سے بھر پور سرکل کی منظوری دینی ہے جس میں ہر سال ایک سے 2 گلوبل ایونٹ کا شیڈول شامل ہے انکی میزبانی کیلئے آئی سی سی نے خواہش مند تمام رکن ممالک سے میزبانی کی درخواستیں مانگی ہیں جس پر امریکی کرکٹ حکام نے گہری دلچسپی لی تھی .