عمران عثمانیکھیللکھاری

کوہلی اور شرما پاگل ہوگئے ، ویمنز ہیڈ کوچ سنگین الزام پر معطل: عمران عثمانی کا ون ڈے راؤنڈ اپ

کورونا نے یورپ کی پہلی بڑی اور ٹیسٹ سٹیٹس رکھنے والی ٹیموں کی سیریز نگل لی.بنگلہ دیش کا دورہ آئرلینڈ باقاعدہ ملتوی کردیا گیا ہے. دونوں ممالک میں 7 انٹرنیشنل میچز شیڈول تھے جن میں سے 3 ون ڈے میچ بلفاسٹ اور 4 ٹی 20 میچز انگلینڈ میں رکھے گئے تھے. یہ دورہ مئی میں ہونا تھا لیکن انگلینڈ میں 28 مئی تک معطل ہونے والی تمام کرکٹ سرگرمیاں بھی اس دورے کے التوا کی بنیادی وجہ بنی .دونوں ممالک اس سیریز کو پھر ری شیڈول کریں گے.
**ویمنز ہیڈ کوچ جنسی ہراسگی پر معطل**
بھارت کیلئے 1990 کے عشرے میں 13 ون ڈے انٹرنیشنل میچز کھیلنے والے سابق کرکٹر اتول بدیدی کو شرمناک الزامات کا سامنا ہے. 53 سالہ کرکٹر ان دنوں خواتین کی کوچنگ میں مصروف تھے کہ ان پر جنسی ہراسگی، جسمانی حملے کے سنگین الزامات لگ گئے ہیں.
بھارتی ریاست گجرات کے چوتھے بڑی آبادی والے شہر بڑودا کے ویمنز ٹیم کے ہیڈ کوچ جنسی ہراسگی کے الزام میں معطل کردیئے گئے ہیں اور انکے خلاف انکوائری شروع ہوگئ ہے .
اپریل 2019 میں کوچنگ کی ذمہ داری سنبھالنے والے بدیدی نے الزامات کی تردید کردی ہے. کورونا وائرس کی وجہ سے جاری ملکی حالات کے پیش نظر انکوائری کا آغاز بعد میں ہوگا.
**سری لنکا کرکٹ بھی معطل **
سری لنکن کرکٹ بورڈ نے اپنے ملک میں ہر قسم کی کرکٹ قدرے تاخیر سے معطل کر ہی دی.انگلینڈ کی ٹیم کو دورہ ادھورا چھوڑ کر کولمبو سے وطن واپس گئے ہفتہ ہونے کو ہے لیکن بورڈ اس پر ناخوش تھا. اب تازہ ترین صورتحال میں لنکن بورڈ کو احسا س ہوا تو اسنے تا حکم ثانی کرکٹ کھیلنے پر پابندی لگائی ہے.
** کوہلی اور انوشکا شرما کی پاگل پن تصویر پر تنقید **
بھارتی کپتان ویرات کوہلی کا اپنی پرفارمنس کی وجہ سے دنیائے کرکٹ میں ممتاز مقام ہے لیکن اپنے جارحانہ رویہ اور مشتعل مزاجی کی وجہ سے وہ تنقید کی زد میں بھی رہتے ہیں. اب کورونا وائرس کو لے لیں. اس پر انکا ویڈیو پیغام عوام کی بھلائی کیلئے ہے جس میں وہ احتیاطی تدابیر بتاتے ہوئے یہ بھی تلقین کر رہے ہیں کہ گھر میں قیام سے بیوی کو وقت دینے کا موقع ملتا ہے اور بچے ہوں تو زندگی کا بہترین وقت گزارا جاسکتا ہے.
باتیں بہت اچھی کی ہیں لیکن اسکے ساتھ اپنی اور اہلیہ کی جو تصویر شیئر کی وہ اتنے نازک ترین موقع پر مزاحیہ و پاگل پن جیسی تعبیر رکھتی ہے. صارفین نے دونوں پر کڑی تنقید کی ہے.

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker