مریم نواز کے بیٹے جنید صفدر اتوار کے روز رشتہ ازدواج میں منسلک ہوگئے۔ نکاح کی تقریب میں سابق وزیراعظم نوازشریف، سابق وزیرخزانہ اسحاق ڈارسمیت خاندا ن کے قریبی افراد نے شرکت کی۔ مریم نواز ویڈیو لنک کے ذریعے تقریب میں شریک ہوئیں۔
سوشل میڈیا پر جنید صفدر کی والدہ مریم نواز نے بیٹے اور بہو کی تصاویر شیئر کرتے ہوئے ان کیلئے نیک خواہشات کا اظہار کیا اور دعا دیتے ہوئے لکھا ہے کہ’ اللّہ ہمیشہ خوش اور آباد رکھے’۔
ن لیگ ترجمان مریم اورنگزیب نے تصدیق کی کہ یہ صرف نکاح کی تقریب ہے۔
دوسری جانب مریم نواز کی بہو عائشہ سیف کا برائیڈل جوڑا موضوعِ بحث بنا رہا۔میڈیا رپورٹس میں کہا جارہا ہےکہ عائشہ سیف نے بھارت کے مقبول و معروف ڈیزائنر ‘سبیاساچی’ کا تیار کردہ برائیڈل لباس پہنا۔
تصاویر میں عائشہ سیف کو ہلکے گلابی رنگ کے دلکش لہنگے میں ملبوس دیکھا جاسکتا ہے اور یہ بھارتی طرز کا جوڑا تھا۔
جب کہ سبیاساچی کے آفیشل انسٹاگرام پر موجود دُلہن کی تصویر میں بھی لڑکی بالکل اسی طرز کا لباس زیب تن کی ہوئی ہے۔
(بشکریہ: جیونیوز)
فیس بک کمینٹ