ملتان: ملتان لٹریری فیسٹیول کے پانچویں سیزن کی تاریخوں کا اعلان کر دیاگیا، ایم ایل ایف کے چیف آرگنائزر علی نقوی کے مطابق یہ فیسٹول گیارہ اور بارہ نومبر کو ملتان آرٹس کونسل اور ملتان ٹی ہاؤس میں بیک وقت منعقد ہو گا،
ذرائع کے مطابق ملتان کے کسی بھی ادبی میلے میں پہلی بار ملتان ٹی ہاؤس میں "اوپن مائیک” لگایا جا رہا ہے جو پبلک کے لیے اوپن ہو گا اس میں شامل ہونے کے لیے جلد فری رجسٹریشن کا اعلان کیا جائے گا اور صرف پہلے سے رجسٹرڈ افراد ہی وہاں اپنے فن کا مظاہرہ کر سکیں گے، اس مرتبہ دس اکیڈمک سیشنز کے علاؤہ شاعری ،میوزک، ڈرامہ، رقص، بک ریڈ سیشنز ،کتابوں کی رونمائی اور ڈاکیومنٹری فلمز کی نمائش بھی فیسٹول میں شامل کی جا رہی ہے، کتابوں اور جنوبی پنجاب کے آرٹ کے نمونوں کی نمائش بھی کی جائے گی،
اس بار دوسرے شہروں سے آنے والے متوقع اہم مہمانوں میں عاصمہ شیرازی ، وسعت اللّٰہ خان ، منظر صہبائی ، نور الہدی شاہ ، عباس تابش، وجاہت مسعود اور اعزاز سید کے نام تا حال سامنے آ رہے ہیں، تاہم ملتان سے شاکر شجاع آبادی ، ڈاکٹر صلاح الدین حیدر، ڈاکٹر انوار احمد ، رفعت عباس ، اشو لال فقیر، ممتاز اطہر، جمشید رضوانی، شاکر حسین شاکر ، خالد مسعود خان، قمر رضا شہزاد، رضی الدین رضی ، ڈاکٹر عامر سہیل اور ڈاکٹر مقبول گیلانی کے نام شامل ہیں جبکہ حتمی فہرست کا آنا ابھی باقی ہے،
یاد رہے کہ گزشتہ برس ملتان لٹریری فیسٹیولز میں جنابِ رضا ربانی، ، جناب انور مسعود، شرمیلا فاروقی ، جاوید ہاشمی ،ثنا بچٌہ، چوہدری منظور احمد، سید علی حیدر گیلانی ، جواد احمد ، ڈاکٹر ناصر عباس نیئر، مہمل سرفراز، اختر چنال زھری، راحت بانو ملتانیکر، حسنین جمال اور فرنود عالم جیسی نامور شخصیات شرکت کر چکی ہیں….
فیس بک کمینٹ