لاہور : نامور سیاستدان اورپاکستان پیپلزپارٹی کے بانی رکن راناشوکت محمود 23فروری کولاہورمیں انتقال کرگئے ۔راناشوکت محمودپاکستان پیپلزپارٹی کے بانی چیئرمین ذوالفقارعلی بھٹو کے قریبی ساتھی تھے ۔
انہوں نے سیاسیات اورنفسیات میں ماسٹرزکی ڈگری حاصل کی ۔ایل ایل بی کے بعد 1964میں وکالت کے پیشے سے منسلک ہوئے ۔رانا شوکت محمود زمانہ طالب علمی میں گورنمنٹ کالج کی ہاکی ٹیم کے رکن رہے ۔کشتی رانی کے مقابلوں میں بھی اعزازات حاصل کئے ۔انہوں نے فیصل آباد میں بی ڈی ممبرکی حیثیت سے سیاست کاآغازکیابعدازاں وہ پنجاب اسمبلی اورقومی اسمبلی کے رکن بھی منتخب ہوئے ۔ 1970ء سے 1975ءتک وہ قومی اسمبلی اورصوبائی اسمبلی کے رکن رہے ۔1977ءسے 1983ءتک پاکستان پیپلزپارٹی کے جنرل سیکرٹری رہے۔1988ءمیں انہوں نے پنجاب اسمبلی میں اپوزیشن لیڈرکاکرداراداکیا۔وہ مختلف اوقات میں پنجاب کے 12محکموں کے وزیررہے۔انہوں نے پاکستانی پیپلزپارٹی کی پہلی حکومت اوربعدازاں بے نظیر بھٹوکے دورِحکومت وزیرکی حیثیت سے فرائض انجام دیئے ۔وہ پاکستان پیپلزپارٹی پنجاب کے سربراہ بھی رہے اورانہوں نے پنجاب اسمبلی میں اپوزیشن لیڈرکاکرداربھی اداکیا۔راناشوکت محمو دکے انتقال پرپاکستان پیپلزپارٹی کے قائدین نے گہرے دکھ اورصدمے کااظہارکیاہے ۔