اہم خبریں

بلوچستان کے 70 سالہ ڈرائیور کی چھ شادیاں ، 54 بچے

کوئٹہ : بلوچستان میں ہونے والی حالیہ مردم شماری میں ایک ایسے شخص کے بارے میں انکشاف ہوا ہے جس کے ہاں 54 بچوں کی پیدائش ہوئی۔ان بچوں میں سے 12 کا انتقال ہوچکا ہے جبکہ 42 اب بھی زندہ ہیں۔ بی بی سی کے نامہ نگار محمد کاظم کے مطابق 50 سے زائد بچے پیدا کرنے والے حاجی عبد المجید مینگل کا تعلق بلوچستان کے ضلع نوشکی سے ہے۔ نوشکی کوئٹہ سے تقریباً 130 کلومیٹر کے فاصلے پر مشرق کی جانب افغانستان کی سرحد کے ساتھ واقع ہے ۔ عبدالمجید کی عمر 70سال ہے اور وہ پیشے کے لحاظ سے ڈرائیور ہیں۔ عبدالمجید نے چھ شادیاں کی تھیں۔ ان کی بیویوں میں سے دو وفات پاچکی ہیں جبکہ چار بیویاں اب بھی ان کی عقد میں ہیں۔ عبد المجید کے جو 42 بچے حیات ہیں ان میں 22 بیٹے اور 20 بیٹیاں ہیں۔ مردم شماری سے پہلے کوئٹہ شہر کے رہائشی جان محمد خلجی سب سے زیادہ بچوں کے والد ہونے کے دعویدار تھے۔ جان محمد کے ہاں اب تک 36 بچوں کی پیدائش ہوئی ہے۔
(بشکریہ بی بی سی اردو)

فیس بک کمینٹ

متعلقہ تحریریں

Leave a Reply

Your email address will not be published.

Adblock Detected

Please consider supporting us by disabling your ad blocker