اسلام آباد : وزير داخلہ چودھری نثار نے وزيراعظم نوازشريف سے ملاقات ميں ڈان ليکس تحقيقاتی رپورٹ پرتبادلہ خيال کيا اور خبر شائع ہونے کی تحقیقاتی رپورٹ وزیراعظم کو پیش کی۔ اسلام آباد ميں ہونے والی ملاقات ميں چوہدری نثار نے وزيراعظم نوازشريف کو ڈان ليکس کی تحقيقاتی رپورٹ پيش کی اور انہيں رپورٹ کے مندرجات سے تفصيلی طور پر آگاہ کيا۔ وزيرداخلہ نے کميشن کی سفارشات پر بھی وزيراعظم کو بريفنگ دی۔ ڈان ليکس پر انکوائری کميٹی نے معاون خصوصی طارق فاطمی اور راؤ تحسين سمیت تین شخصیات کوعہدوں سے ہٹانے کی سفارش کی ہے۔ وزيرداخلہ نے تينوں شخصيات کے حوالے سے وزيراعظم کو آگاہ کيا ہے۔ امکان ظاہر کيا جارہاہے کہ وزيراعظم رپورٹ کی سفارشات کو مدنظر رکھتے ہوئے جلد احکامات جاری کريں گے۔ ذرائع کے مطابق وزیراعظم نواز شریف نے وفاقی وزیر داخلہ کی موجودگی میں مشیر برائے خارجہ امور طارق فاطمی کو طلب کر کے ان سے وضاحت بھی طلب کی ہے۔ تاہم جیو نیوز کے مطابق طارق فاطمی نے الزامات مسترد کرتے ہوئے استعفیٰ دینے سے انکار کر دیا ۔ تحقیقاتی رپورٹ میں ان ذمہ داران کے خلاف کارروائی کرنے کی سفارش کی گئی ہے جنھوں نے اس قومی سلامتی سے متعلق اجلاس کی کارروائی کے بارے میں مقامی انگلش اخبار ڈان کے صحافی سرل المائڈا کو معلومات فراہم کی تھیں۔ گذشتہ برس اکتوبر میں شائع ہونے والی خبر میں غیر ریاستی عناصر یا کالعدم تنظیموں کے معاملے پر فوج اور سول حکومت میں اختلاف کا ذکر کیا گیا تھا تاہم حکومت اور فوج دونوں نے اس خبر کو من گھڑت اور بے بنیاد قرار دیا تھا۔
جمعرات, اپریل 30, 2026
تازہ خبریں:
- ایران و امریکہ میں تعطل: عالمی معیشت کے لیے مشکل گھڑی : سید مجاہد علی کا تجزیہ
- پی ایس ایل 11: حیدرآباد نے ملتان سلطانز کو ہرا کر فائنل کی دوڑ سے باہر کر دیا
- سینئر صحافی مطیع اللہ جان کی ملازمت ختم : غیر ملکی صحافیوں کے اعزاز میں تقریب کارروائی کا باعث بنی
- عدلیہ کے کفن میں آخری کیل : سید مجاہد علی کا تجزیہ
- فیلڈ مارشل کو ہر دم ملک و قوم کی ترقی کا خیال رہتا ہے : وسعت اللہ خان کا کالم
- قم کے ایک عظیم کتب خانے کا احوال : سیدہ مصومہ شیرازی کے قلم سے
- جذبات کی طاقت اور حیدرآباد کنگزمین کی کارکردگی : ڈاکٹر علی شاذف کا کرکٹ کالم
- ٹرمپ پر حملے کا ملزم اور بہترین استاد کا اعزاز : کوچہ و بازار سے / ڈاکٹر انوار احمد کا کالم
- کیا ایموجی کی نئی عالمی زبان لفطوں کی روشنی ختم کر رہی ہے ؟ شہزاد عمران خان کا کالم
- صحافی کی گرفتاری اور رہائی : پاکستانی میڈیا کے لیے غیر ضروری خبر : سید مجاہد علی کا تجزیہ

