2018 انتخاباتاہم خبریں

شاہ محمودقریشی کے گھر کے باہر پی ٹی آئی کے کارکنوں کارات بھردھرنا

ملتان :ملتان میں ٹکٹوں کی غیرمنصفانہ تقسیم کے خلاف پاکستان تحریک انصاف کے کارکنوں نے پارٹی کے وائس چیئرمین شاہ محمود قریشی کے گھر کے باہر دھرنا دیا،ٹائر جلا کر سڑک بلاک کردی ۔ شدید نعرے بازی کی گئی اور مطالبہ کیا کہ فیصلے واپس لیے جائیں ۔دھرنا رات بھر جاری رہا۔اس کی قیادت پاکستان تحریک انصاف کے ضلعی صدر اعجازحسین جنجوعہ ،کیپٹن ناصرمہے اور اسلم سعید قریشی کررہے تھے۔دوبجے رات شاہ محمودقریشی نے تینوں رہنماؤں کو مذاکرات کے لیے مقامی ہوٹل میں بلایا اورانہیں یقین دلایا کہ ان کی شکایات دور کی جائیں گی۔اس کے بعد کارکنوں نے دھرنا ختم کردیا۔کار کنوں کو اعتراض تھا کہ صوبائی حلقوں پی پی211،پی پی 216اور پی پی 217میں ٹکٹ غیرمنصفانہ طورپر تقسیم کیے گئے۔انہوں نے الزام لگایا کہ ٹکٹوں کی غلط تقسیم شاہ محمودقریشی نے کروائی ہے۔پی پی 211سے ایسے شخص کوپارٹی ٹکٹ دیاگیا جواس حلقے کا رہائشی ہی نہیں،اسی طرح پی پی 217 میں پارٹی مفادات کے خلاف کام کرنے والے امیدوار کو ٹکٹ دیاگیا ۔مظاہرین نے اس موقع پر عامرڈوگر سمیت بعض امیدواروں کے خلاف نعرے بازی بھی کی۔انہوں نے پلے کارڈز بھی اٹھارکھے تھے۔مظاہرین سے خطاب کرتے ہوئے کیپٹن ناصرمہے نے کہاکہ اگر فیصلہ تبدیل نہ کیاگیاتو ہم ان امیدواروں کے خلاف بھرپور مہم چلائیں گے۔در یں اثناءاے پی پی سے بات چیت کرتے ہوئے پی ٹی آئی کے ضلعی صدراعجاز جنجوعہ نے بتایا کہ شاہ محمودقریشی ہمارے مطالبات لے کر رات ہی لاہور روانہ ہوگئے جہاں جمعرات کے روز وہ پارٹی کے سربراہ عمران خان سے ملاقات کریں گے ۔انہوں نے کہاکہ شاہ محمودقریشی نے یقین دلایا ہے کہ پی پی 216،پی پی 217اور پی پی 211کے بارے میں جو فیصلے کیے گئے ان پر نظرثانی کی جائے اور کارکنوں کی شکایات کاازالہ کیاجائے گا۔

فیس بک کمینٹ

متعلقہ تحریریں

Leave a Reply

Your email address will not be published.

Adblock Detected

Please consider supporting us by disabling your ad blocker