پاکستان سپر لیگ کا پلے آف مرحلہ آ گیا اور پہلا کوالیفائنگ میچ آج اسلام آباد یونائیٹڈ اور کراچی کنگز کے درمیان کھیلا جائے گا۔دبئی انٹرنیشنل کرکٹ اسٹیڈیم میں آج اسلام آباد یونائیٹڈ کا مقابلہ کراچی کنگز سے ہورہا ہے اور جو ٹیم کامیاب ہوگی وہ فائنل کے لئے کراچی کی اڑان بھرے گی۔آج کے میچ میں ہارنے والی ٹیم کو ایونٹ میں رہنے کے لئے ایک اور موقع ملے گا جو دوسرے کوالیفائینگ میچ کی فاتح ٹیم سے کھیلے گی۔
دوسرا کوالیفائنگ میچ کوئٹہ گلیڈی ایٹرز اور پشاور زلمی کے درمیان 20 مارچ کو لاہور میں کھیلا جائے گا اور کامیاب ہونے والی ٹیم پہلے کوالیفائنگ کی ناکام ٹیم سے 21 مارچ کو قذافی اسٹیڈیم میں مدمقابل ہوگی۔
2 پلے آف میچز کی میزبانی کرنے والے قذافی اسٹیڈیم کے باہر سڑکوں پر کھلاڑیوں کی تصاویر اور خیر مقدمی بینر آویزاں کردیے گئے ہیں جب کہ اسٹیڈیم اور اطراف کا علاقہ آج سے 21 مارچ تک کاروباری سرگرمیوں کیلئے بند کردیا گیا ہے۔
ایونٹ کا فائنل 25 مارچ کو نیشنل اسٹیڈیم کراچی میں ہوگا جس کے لئے تیاریاں عروج پر پہنچ چکی ہیں۔پلے آف مرحلے میں پہنچنے والی کوئٹہ گلیڈی ایٹرز اور پشاور زلمی کے مقامی کھلاڑی لاہور پہنچ گئے جب کہ غیرملکی کھلاڑی کل سے لاہور پہنچنا شروع ہوجائیں گے۔
فیس بک کمینٹ