کھیل

گوادر سٹیڈیم میں پچیس مارچ کو کوئٹہ گلیڈی ایٹرز اور کراچی کنگز کے درمیان میچ ہو گا

گوادر : گوادر کرکٹ اسٹیڈیم 25 مارچ کو پاکستان سپر لیگ (پی ایس ایل) کی فرنچائز ٹیموں کوئٹہ گلیڈی ایٹرز اور کراچی کنگز کے مابین میچ کی میزبانی کرے گا ، یہ اعلان پیر کے روز ٹی وی سٹار فخر عالم نے اپنے آفیشل ٹویٹر اکاؤنٹ پر پوسٹ کی گئی ایک ویڈیو میں کیا۔ عالم نے ویڈیو میں کہا ، ” میں اس خبر کو بریک کر رہا ہوں کہ پاکستان کرکٹ بورڈ (پی سی بی) نے حکومت بلوچستان کو باضابطہ طور پر آگاہ کردیا ہے کہ وہ پی ایس ایل ختم ہونے کے بعد 25 مارچ کو کوئٹہ گلیڈی ایٹرز اور کراچی کنگز کے مابین ایک میچ کا اہتمام کرنا چاہتا ہے۔“
انہوں نے کہا کہ تمام کرکٹ شائقین کو مبارک ہو ۔ کرکٹ کے شائقین ، میرے لئے اور بلوچستان کے لوگوں کے لئے اس سے اچھی خبر کوئی نہیں ہو سکتی ۔
فخر عالم نے مزید کہا کہ ابتدائی طور پر وہ چاہتے تھے کہ پی ایس ایل 2021 کا باضابطہ میچ پنڈال میں کھیلا جائے لیکن چونکہ اسٹیڈیم انٹرنیشنل کرکٹ کونسل (آئی سی سی) اور پی سی بی کے مقرر کردہ معیار پر پورا نہیں اترتا تھا ، اس لئے اس کا بندوبست کرنا مشکل تھا ۔
فخر عالم نے پی سی بی اور دو فرنچائزز کے مالکان کا شکریہ ادا کیا کہ انہوں نے گوادر اسٹیڈیم میں میچ کے انعقاد میں مدد دی یہ سٹیڈیم حال ہی میں اپنی حیرت انگیز خوبصورتی کے حوالے سے دنیا بھر میں خبروں کی زینت رہا تھا۔
اس سے قبل جمعہ کے روز ، اسٹیڈیم میں‌ کوہ پیما علی سدپارہ کو خراج تحسین پیش کرنے کے لیے گوادر ڈولفنز اور شوبز شارک کے مابین پہلا نمائشی میچ کھیلا گیا ۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker