اسلام آباد: وفاقی وزیر داخلہ رانا ثںا اللہ نے کہا ہے کہ پنجاب حکومت تحریک انصاف (پی ٹی آئی) کے چیئرمین اور سابق وزیراعظم عمران خان پر قاتلانہ حملے کی تحقیقات کے لئے مشترکہ تحقیقاتی کمیٹی (جے آئی ٹی) تشکیل دے۔وفاقی وزیر اطلاعات و نشریات مریم اورنگزیب کے ہمراہ پریس کانفرنس کرتے ہوئے وفاقی وزیر داخلہ رانا ثنا اللہ نے کہا ہے کہ عمران خان پر حملے کی تحقیقات کیلئے حکومت پنجاب جے آئی ٹی تشکیل دے، وفاقی حکومت نے فیصلہ کیا ہے کہ حکومت پنجاب سے کہا جائے گا کہ پی ٹی آئی چیئرمین عمران خان پر حملے کی تحقیقات کے لیے سینئر افسران پر مشتمل جے آئی ٹی تشکیل دی جائے۔ انہوں نے مزید کہا کہ وفاقی حکومت فائرنگ کے واقعے کی شدید مذمت کرتی ہے، حکومت نے حکومت پنجاب کو یقین دلایا ہے کہ تفتیش کے دوران جس طرح کی مدد کی ضرورت پڑے فراہم کردی جائے گی۔
بشکریہ دنیا نیوز