ملتان : پاکستان پیپلز پارٹی کے تاسیسی رکن، نامورماہرقانون اور قومی اسمبلی کے سابق سپیکر صاحبزادہ فاروق علی خان طویل علالت کے بعد اتوار کے روز ملتان میں انتقال کر گئے ۔ان کی عمر 89برس تھی ۔ وہ طویل عرصہ سے صاحب فراش تھے ۔
صاحبزادہ فاروق علی خان پانچ ستمبر 1931ءکو گکھڑ منڈی میں پیدا ہوئے ۔انہوں نے اپنی زندگی کا بیشتر عرصہ ملتان میں گزارا ۔وہ سینئر قانون دان اور آئینی ماہر تھے۔صاحبزادہ فاروق علی خان 1970کے انتخابات میں ملتان کے حلقے این ڈبلیو79سے قومی اسمبلی کے رکن منتخب ہوئے ۔انہوں نے اپنے مدمقابل آز اد امیدواربابوفیروزالدین انصاری کو20ہزارووٹوں سے شکست دی تھی یہ نشست سابق وزیراعظم ذوالفقارعلی بھٹونے خالی کی تھی ،انہوں نے اس نشست پرمولاناحامد علی خان اوربابوفیروزالدین انصاری کوہرایاتھا بعدازاں ضمنی الیکشن میں صاحبزادہ فاروق علی خان کامیاب ہوگئے اورپھر سپیکر کے عہدے پر فائز ہوئے۔ وہ9اگست 1973ءکوقومی اسمبلی کے نویں سپیکرمنتخب ہوئے اوراس عہدے پر 27مارچ 1977ءتک فائر رہے 1973کا آئین بھی اُنہی کی سپیکرشپ کے دور میں منظور ہوا تھا ۔صاحبزادہ فاروق علی خان کی خود نوشت سوانح عمری جمہوریت ” صبرطلب “ کے نام سے شائع ہو چکی ہے ۔
فیس بک کمینٹ