جنوبی وزیرستان اور ٹانک کی سرحد پر جنڈولہ میں پاک فوج کی پوسٹ پر دہشت گردوں کا حملہ ناکام بنادیا گیا۔
آئی ایس پی آر کے مطابق پاک فوج کی پوسٹ پر خارجیوں نے حملہ کیا جسے فورسز نے ناکام بنادیا۔
ذرائع کا بتانا ہے کہ حملے کے دوران ایک خودکش حملہ آور نے گاڑی میں بیٹھ کر ایف سی کیمپ کے قریب خود کو اڑایا۔
آئی ایس پی آر کے مطابق پاک فوج کے جوانوں نے خوارج کا حملہ ناکام بناتے ہوئے 10 دہشت گردوں کو ہلاک کردیا۔
وفاقی وزیر داخلہ محسن نقوی نے جنڈولہ میں چیک پوسٹ پر دہشت گردوں کا حملہ ناکام بنانے پر سکیورٹی فورسز کو خراج تحسین پیش کیا ہے۔
وزیر داخلہ نے کہا کہ بہادر سکیورٹی فورسز نے بروقت کارروائی کرکے 10 خوارجی دہشت گردوں کو ہلاک کیا، خوارجی دہشت گردوں کا حملہ ناکام بنانے پر سکیورٹی فورسز کو سلام پیش کرتے ہیں۔
محسن نقوی نے کہا کہ قوم کو سکیورٹی فورسز کی پیشہ وارانہ صلاحیتوں پر ناز ہے، قوم خوارجی دہشت گردوں کے خاتمے کے لیے سکیورٹی فورسز کے شانہ بشانہ کھڑی ہے۔
(بشکریہ:جیونیوز)
فیس بک کمینٹ