ٹورنٹو : کینیڈا میں مقیم پاکستانی مصنف اور تجزیہ نگار طارق فتح طویل علالت کے بعد انتقال کر گئے۔
ان کی عمر 73 سال تھی۔
طارق فتح کی بیٹی نتاشہ فتح نے ٹوئٹر پر لکھا کہ ’پنجاب کے شیر، ہندوستان کے بیٹے، کینیڈا کے محبوب، سچ بولنے والے، انصاف کے لیے لڑنے والے، اور غریبوں اور مظلوموں کی آواز نے کمان آگے منتقل کر دی۔ ان لوگوں کے ساتھ جو ان کو جانتے ہیں اور محبت کرتے ہیں ان (طارق فتح) کا انقلاب آگے بڑھے گا۔‘
انڈین اخبار ٹائمز آف انڈیا کے مطبق طارق فتح انڈیا میں بی جے پی کی سربراہی میں قائم مودی حکومت کے حامی تھے اور کئی مرتبہ بی جے پی حکومت کے متعدد اقدامات کی حمایت کا اعلان کیا تھا۔
طارق فتح 1949 میں پاکستان میں پیدا ہوئے تھے۔ بعد میں 1980 کی دہائی میں کینیڈا ہجرت کی تھی۔
کینیڈا منتقل ہونے کے بعد طارق فتح نے ایک سیاسی کارکن، صحافی اور ٹیلی ویژن میزبان کے طور پر کام کیا اور اس دؤران انہیں نے مختلف کتابیں بھی لکھیں ۔
ان کی لکھی ہوئی کتابوں میں “چیزنگ اے میرج، دی ٹریجک الیوژن آف این اسلامک اسٹیٹ، یہودی میرا دشمن نہیں اور ان خرافات کا پردہ فاش کرنا جو مسلم دشمنی کو ہوا دیتے ہیں جیسے کتابیں شامل ہیں-
(بشکریہ:اردو نیوز)