کراچی : پاکستان کے سینئرسیاستدان اورصدرعوامی ورکرز پارٹی یوسف مستی خان 74 سال کی عمرمیں انتقال کرگئے۔یوسف مستی خان کا سیاسی کیریئرکئی دہائیوں پرمحیط تھا۔
بلوچ اسٹوڈنٹ آرگنائزیشن سے سیاسی کیریئر کا آغاز کرنے والے یوسف مستی خان کی نمازجنازہ آج بعد نماز ظہران کی رہائشگاہ بلاک 2 پی ای سی ایچ ایس میں ادا کی جائے گی۔
شیربازخان مزاری نے نیشنل ڈیموکریٹک پارٹی کا اعلان کیا، تو مستی خان نے پارٹی میں شمولیت اختیار کی اوراس کے (کراچی) صدراور مرکزی کمیٹی کے رکن منتخب ہوگئے۔
بعد ازاں انہوں نے پاکستان نیشنل پارٹی (پی این پی) میں شمولیت اختیار کی اور اس کے صدر (کراچی) اور مرکزی کمیٹی کے رکن منتخب ہوئے۔
دریں اثناء معروف سیاسی و سماجی رہنما اورمینگو گروورز ایسوسی ایشن کے مرکزی رہنما زاہد حسین گردیزی نے یوسف مستی خان کے انتقال پر گہرے دکھ اور صدمے کا اظہار کیا ہے ۔ ایک تعزیتی بیان میں زاہد گردیزی نے کہا کہ یوسف مستی خان کے انتقال سے بائیں بازو کی سیاست کا ایک عہد ختم ہو گیا ۔ انہوں نے کہا کہ یوسف مستی خان کا ملتان سے گہرا تعلق تھا ۔ وہ میرے والد سید قسور گردیزی اور میر غوث بخش بزنجو کے قریبی ساتھیوں میں سے تھے ۔
فیس بک کمینٹ