ملتان:چیئرمین تعلیمی بورڈ ملتان حافظ محمد قاسم نے کہاہے کہ محنت کبھی رائیگاں نہیں جاتی۔ محنت کرنے والوں کے ہمیشہ کامیابی قدم چومتی ہے ، خوش نصیب ہیں وہ ماں باپ جن کے بچوں نے ان کی لاج رکھی ۔جوبلی ہال ملتان بورڈ میں میڑک کے پوزیشن ہولڈر زکے اعزاز میں منعقدہ تقریب سے خطاب کرتے ہوئے انہوں نے مزید کہا کہ میڑک کا امتحان عملی زندگی کا پہلا زینہ ہے۔سیکرٹری بورڈ خرم شہزاد قریشی نے کہا کہ بورڈ حکام نے محنت اور دیانت سے اس کام کو سرانجام دیا یہ نتائج ایک ٹیم ورک کا نتیجہ ہے،بورڈ حکام اس بات کایقین دلاتے ہیں کہ شفافیت کو برقرار رکھا جائے گا۔کنٹرولر امتحانات پروفیسرمحمدحامد سعیدبھٹی نے کہا کہ شعبہ کنٹرولر امتحانات نے دن رات ایک کرکے شفاف امتحان کو یقینی بنایا یہی وجہ ہے کہ عام سکول کے بچوں نے بھی پوزیشنیں حاصل کی ہیں، بڑے بڑے نجی تعلیمی ادارے اس بار پوزیشن کی دوڑ سے باہر ہیں۔
فیس بک کمینٹ