ڈھاکا ( رپورٹ :عمران عثمانی ) دیگر کھیلوں کی طرح کرکٹ سرگرمیاں بھی اب کورونا وائرس کی لپیٹ میں آنے لگی ہیں اور اس ضمن میں ایک انٹر نیشنل کرکٹ شیڈول باقاعدہ منسوخ کردیا گیا ہے جس میں ٹیسٹ ملک بنگلہ دیش بری طرح متاثر ہوا ہے.
بنگلہ دیش کے بانی شیخ مجیب الرحمان کی سالگرہ تقریبات کے سلسلے میں بنگلہ دیش بورڈ نے ورلڈ اور ایشیا الیون کے 2 میچ 21 اور 22 مارچ کو ڈھاکا میں رکھے تھے جن کا درجہ انٹرنیشنل میچز کا تھا .ان میں معروف کرکٹرز ویرات کوہلی، کرس گیل اور لاسته ملنگا ایکشن میں ہوتے لیکن بورڈ سربراہ نظم الحسن کے مطابق اب یہ میچز کورونا وائرس کی وجہ سے ملتوی کئے جارہے ہیں نیا منصوبہ پھر بنایا جائےگا. بورڈ نے اے آر رحمان کنسرٹ بھی منسوخ کردیا ہے. انٹر نیشنل کرکٹ ٹورز انتہائی احتیاط سے کئے جارہے ہیں جبکہ ایشیا میں شیڈول ایونٹس یاٹوور ز پر التوا کی تلوار لٹک رہی ہے .آئی پی ایل کے حوالے سے بھی تشویشناک خبریں ہیں.
دوسری جانب انگلش کائونٹی ووسٹر شائر نے متحدہ عرب امارات کا دورہ منسوخ کردیا ہے . اس ماہ کی 18 تاریخ سے 29 تک ابو ظہبی میں سمرسیٹ کائونٹی کیخلاف پری سیزن چیمپئن شپ کے 5 میچز کھیلنے تھے کھلاڑیوں نے پریکٹس سیشنز میں بهی شرکت کرنی تهی. ابو ظہبی میں یہ پروگرام کائونٹی کرکٹ کے نئے سیزن کے آغاز سے قبل پری سیزن پریکٹس کے طور پر رکھا جاتا ہے. کائونٹی حکام کے مطابق ملکی و غیرملکی مشاورت کے بعد دورہ ختم کیا جارہا ہے .یہ فیصلہ در اصل ایک اور کائونٹی لنکا شائر کی بھی تقلید ہے جو ابو ظہبی اور جنوبی افریقہ کا دور ہ کورونا وائرس کے خوف سے ختم کرچکی ہے .
انگلش کائونٹی
دوسری جانب ایک اور کائونٹی یارک شائر نے اپنے کلب کا دورہ بھارت ختم کرنے پر غور شروع کردیا ہے. کلب نے 2 ہفتے کے دورے میں ممبئی میں میچز کھیلنے ہیں جس کا آغاز 11 مارچ سے ہونا ہے.سری لنکا کے شہر گالے میں بھی ایک چیمپئن کائونٹی میچ ایسیکس اور ایم سی سی کا شیڈول ہے جو 24 سے 27 مارچ تک ہونا ہے. اس میچ پر بھی التوا کے سائے گہرے ہورہے ہیں.
فیس بک کمینٹ