کوئٹہ گلیڈی ایٹرز اور ملتان سلطانز کے مابین پی ایس ایل میچ بارش کے باعث منسوخ کردیا گیا ہے۔ قذافی سٹیڈیم لاہور میں بارش اور آؤٹ فیلڈ گیلی ہونے کے باعث دونوں ٹیموں کے درمیان میچ ٹاس کیے بغیر منسوخ ہوگیا۔دونوں ٹیموں کو ایک ایک پوائنٹ مل گیا ہے۔ ملتان سلطانز کی ٹیم 12 پوائنٹس کے ساتھ بدستور پوائنٹس ٹیبل پر پہلے اور کوئٹہ گلیڈی ایٹرز کی ٹیم 7 پوائنٹس کے ساتھ آخری نمبر پر موجود ہے. اسوقت ملتان کے 12،زلمی کے 9،قلندرز کے 8،اسلام آباد ،کراچی اور کوئٹہ کے 7،7پوائنٹس ہیں . لاہور کے 2میچ باقی ہیں.
بارش کی وجہ سے کوئٹہ کا ملتان میچ منسوخ ہوچکا ہےتو کیا گلیڈی ایٹرز باہر ہوگئے ہیں؟
کوئٹہ کے امکانات
بظاہر کوئٹہ کی فائنل 4 میں رسائی کے امکانات قریب ختم ہوگئے ہیں لیکن بہت کچھ ابھی باقی ہے.
سرفراز الیون کے لئے ممکنہ راستے.
سب سے پہلے ٹیبل پوزیشن
ملتان .12 پوائنٹس
پشاور 9 پوائنٹس
لاہور. 8 پوائنٹس
اسلام آباد .7 پوائنٹس.
کراچی .7 پوائنٹس
کوئٹہ. 7 پوائنٹس
12 مارچ کو کراچی لاہور کا میچ ہوگا. یہ میچ کراچی ہار جائے.
پھر ملتان پشاور کا میچ 13 مارچ کا پشاور ہارجائے. اس کے بعد 14 مارچ کو اسلام آباد ہارجائے. 15 مارچ کو لاہور ملتان سے مار کھاجائے اور 15 ہی مارچ کو کوئٹہ کراچی کو ہرادے تو تب کوئٹہ با آسانی کوالیفائی کر جائےگا. اس فرض کی گئ صورت میں ٹیبل یوں ہوگی.
ملتان14،لاہور 10،پشاور 9،کراچی اور کوئٹہ بھی 9،9،اسلام آباد 7.اسلام آباد باہر. جبکہ پشاور ،کراچی اور کوئٹہ میں سے 2 ٹیمیں نیٹ رن ریٹ پر آگے جاسکیں گی .چونکہ کوئٹہ کا آخری میچ ہونا ہے اسکے سامنے نیٹ رن ریٹ کا ہدف ہوگا لیکن یہ آسان نہیں ہوگا.
کوئٹہ کی رسائی کا سیدھا نسخہ
کراچی لاہور اور اسلام آباد کو ہرادے اور ملتان لاہور کو شکست دیدے. پھر کوئٹہ کراچی کو شکست دے جبکہ ملتان پشاور کا کوئی بھی نتیجہ ہو تو تب کوئٹہ کراچی کو 1 رن یا 1وکٹ سے ہرا کر بھی پہنچ سکتا ہے .ٹیبل پوزیشن سے دیکھتے ہیں.
ملتان 14 یا 16،پشاور 9 یا 11،کراچی 11،کوئٹہ 9،لاہور 8اوراسلام آباد 7.
اس صورت میں لاہور اور اسلام آباد باہر ەوجائیں گے.
کوئٹہ کا میچ آتے آتے چڑیاں چگ گئیں کھیت والا معاملہ بھی ہوسکتا. وہ اس طرح کہ
لاہور اپنے باقی ماندہ 2 میچز میں سے ملتان سےجیت جائے کراچی سے ہارجائے، پشاور ملتان کو ہرادے کراچی اسلام آباد کو شکست دیدے تو کوئٹہ کراچی میچ سے قبل یہ صورت حال ہوگی.
ملتان کے12،پشاور کے 11،کراچی کے11،اور لاہور کے 10 ہونگے. یہ چاروں ٹکٹ حاصل کرلیں گے.آخری میچ کوئٹہ کیلئے غیر مفید اور کراچی کیلئے ٹاپ پوزیشن کے لئے چیلنج کا درجہ رکھے گا.
اسلام آباد کے آخری امکانات
اس ٹیم کا ایک میچ بچا ہے اس وقت چوتھی پوزیشن ہے. یونائیٹڈ کے پاس سیدھا راستہ کیا ہے. لاہور کراچی اور ملتان سے ہارجائے تو قلندر ز 8 پر مہم کا اختتام کریں گے .پشاور ملتان سے ہارجائے. 9 پر فل سٹاپ ہوگا .کراچی کو اسلام آباد ہرائے اور کراچی کوئٹہ کو ہرائے تو یہ پوزیشن بنے گی.
ملتان 14 یا 16،کراچی 11،پشاور 9 یا 11،اسلام آباد 9،لاہور 8 اور کوئٹہ 7.تو لاہور اور کوئٹہ کوالیفائی کرجائیں گے.
کراچی کا راستہ کیسے بند ہوسکتا؟
تینوں میچ ہارے تو 7 پر فل سٹاپ ،2 ہارے تو 9 پر کھیل ختم .تین شکستوں کا مطلب کوئٹہ تک اس سے آگے ہوگا 9 پر اس کا سٹاپ ہوگا. پھر اسلام آباد ،پشاور (ہارنے کی صورت میں)اور کوئٹہ 9،9کے ساتھ ایک نمبر پر ہونگے. نیٹ رن ریٹ پر ان میں سے ایک کراچی کے ساتھ باہر ہوگا .
پشاور بھی باہر ہوسکتا. 9 پر سٹا پ لگا رہے. لاہور، ملتان، کراچی براہ راست جبکہ نیٹ رن ریٹ پر کوئٹہ یا اسلام آباد آگے نکل جائے
5 میچز باقی اور 3پوزیشن کیلئے 5 ٹیمیں امیدوار ہیں. بظاہر ملتان ،پشاور،لاہور اور کراچی فائنل 4 کیلئے مضبوط امیدوار ہیں. کوئٹہ اور اسلام آباد شدید خطرے میں ہیں اور اگر ایک میچ اور بارش کی نذر ہوگیا تو رہے سہے امکانات بھی معدوم ەوجائیں گے .کرکٹ اتفاقات کا کھیل بھی ہے اسلئے کوئی بھی ٹیم ڈوبتے ڈوبتے نیا پار کرسکتی ہے.
5 میچ باقی ،امید ہے باقی
12 مارچ،کراچی لاہور. کراچی میں
13 مارچ ،ملتان پشاور،کراچی میں
14 مارچ،کراچی اسلام آباد،کراچی میں
15 مارچ، لاہور ملتان،لاہور میں.
15 مارچ،کراچی کوئٹہ کراچی میں.
فیس بک کمینٹ