احمد سجاد بابراختصارئےکھیللکھاری

کرکٹ جیت گئی لیکن عمران خان ؟ احمد سجاد بابر

کل رات پاکستان کے دل لاہور میں پی ایس ایل کا فائنل نعروں کی گونج، سبز ہلالی پرچم کی بہار، تالیوں کے جلو، رقص کی مستی میں ختم ہوا۔۔۔۔۔۔مجھے اس سے دلچسپی نہیں کہ فائنل کس نے جیتنا تھا ،کون جیتا اور کون نہیں جیت سکا۔۔۔۔۔۔۔ مجھے اس سے بھی دلچسپی نہیں کہ اس میچ سے پاکستان میں انٹرنیشنل کرکٹ کی واپسی میں کتنی مدد ملے گی ۔۔۔۔۔۔۔ میں تو کل کے منظر اور کل کی کیفیت میں گم ہوں۔۔۔۔۔۔۔ اس خمار سے نکلوں تو کچھ اور سوچوں۔۔۔۔۔۔۔۔۔ قذافی سٹیڈیم پھر سجا، پھر شہر شہر اور گلی گلی سے دیوانے لاہور پہنچے، پھر سبز پرچم لہرائے، پھر لوگ دہشت گردی سے بے خوف اصل پاکستان کا چہرہ دکھانے نکلے، پھر ہم نے دشمن کو بتایا کہ رقص زنجیر پہن کر بھی کیا جاتا ہے۔۔۔ میری قوم اندر سے ٹوٹ رہی تھی ۔۔۔۔۔۔۔ میری قوم سوچتی تھی کہ دہشت گرد جب چاہیں جہاں چاہیں پاکستان پر وار کر سکتے ہیں ۔۔۔۔۔۔۔۔ میری قوم کو یہ احساس دلایا جاتا تھا کہ اگر دہشت گرد چپ ہیں تو اپنی مرضی سے چپ ہیں ورنہ وہ ہر جگہ پہنچ سکتے ہیں۔۔۔۔۔۔۔۔ میری قوم کو ریاست کی بے بسی کا نوحہ دن رات سنایا جاتا تھا ۔۔۔۔۔۔۔۔۔۔۔ میری قوم ٹوٹ رہی تھی ۔۔۔۔۔۔۔ اور یہی دشمن چاہتا تھا ۔۔۔۔۔۔۔ کچھ ایسا ہو کہ تھوڑی دیر کے لئے اس آنگن بھی خوشیاں آئیں ۔۔۔۔۔۔۔۔ کچھ ایسا ہو خود پر ایمان پھر جاگے ۔۔۔۔۔۔۔ میرے کھلاڑی بھی ہوم گراؤنڈ اور ہوم کراؤڈ کا لطف لے سکیں ۔۔۔۔۔۔۔۔۔۔۔ اور یہ ہو گیا۔۔۔۔۔۔۔۔۔۔ شہباز شریف نے یہ کر دکھایا ۔۔۔۔۔۔۔۔۔ پاکستان آرمی نے یہ کر دکھایا ۔۔۔۔۔۔۔۔۔۔۔اس قوم کو بڑی خوشیاں نہ دو،چلو خوشی کے چند لمحے ہی دے دو۔۔۔۔۔۔۔۔۔ اور وہ لمحے اس قوم کو مل گئے ۔۔۔۔۔۔۔۔۔ایقان کے لمحے ۔۔۔۔۔۔۔۔۔ فخر اور اپنے ہونے کے لمحے ۔۔۔۔۔۔۔۔۔ آئی پی ایل کی کامیابی، ہندوستان کے تماشائیوں کا اپنی اپنی اپنی ٹٰمیوں کو سپورٹ کرنا اور پاکستان کے ویران گراؤنڈ کا غم دور ہو گیا ۔۔۔۔۔۔۔۔ مجھے شکایت ہے عمران خان سے کہ اس نے کہا فائنل لاہور میں کروانا پاگل پن ہے اور کیوں پیٹرسن نے یہ کہہ کر لاہور ۤآنے سے انکار کر دیا کہ جب آپ کا اپنا عمران خان لاہور آنے کو پاگل پن کہہ رہا ہے،تو میں کیسے آ سکتا ہوں۔۔۔۔۔۔۔ عمران خان آپ اس دن بھی سیاست دان بن گئے،کاش کرکٹر ہی رہتے، کاش اس لیگ کی کامیابی کے لئے اپنے قد کاٹھ کا استعمال کرتے ۔۔۔۔۔۔۔ کاش انٹرنیشنل پلیئرز کو قائل کرتے کہ میری قوم ایک محفوظ میچ دے سکتی ہے آپ کو ۔۔۔۔۔۔۔۔۔ مگر نہیں۔۔۔۔۔۔۔۔۔ آپ نے یہاں بھی سیاست کی ۔۔۔۔۔ آپ نے روایتی جلد بازی کی ۔۔۔۔۔۔۔ آپ اس میچ کو نواز لیگ کا میچ سمجھ بیٹھے جب کہ یہ پورے پاکستان کا میچ تھا ۔۔۔۔۔۔۔۔۔ مجھے شکایت ہے عمران خان کو اندھا دھند پوجنے والوں سے ۔۔۔۔۔۔۔۔۔ یار اب تو کہہ دو کہ عمران خان آپ غلط تھے ۔۔۔۔۔۔۔۔ اس قوم کو ذرا سی خوشیاں دے دو خدارا ۔۔۔۔۔۔ سیاست نہ کرو ۔۔۔۔۔۔۔۔۔۔ تو کل قذافی سٹیڈیم میں اختتامی تقریب جاری تھی، سیمی رقص کر رہا تھا، ویوین رچرڈز کے قدم پھر سے اس عظیم میدان کو چھو رہے تھے ۔۔۔۔۔ تماشائی انجوائے کر رہے تھے، اور میں خوشی میں سر شار بیٹھا تھا ۔۔۔۔۔۔۔۔۔۔ مجھے اس سے غرض نہیں کہ کون جیتا۔۔۔۔۔۔۔۔ میرا انگ انگ کہہ رہا ہے کہ کرکٹ جیت گئی،پاکستان جیت گیا!!!

فیس بک کمینٹ

متعلقہ تحریریں

Leave a Reply

Your email address will not be published.

Adblock Detected

Please consider supporting us by disabling your ad blocker