ملتان۔سینئرصحافی اورروزنامہ ایکسپریس ملتان کے سابق ریذیڈنٹ ایڈیٹرآصف علی فرخ کورونا کے باعث منگل کے روزانتقال کرگئے ۔ان کی عمر40برس تھی ۔آصف علی فرخ نے 1992میں صحافتی کیریئرکاآغازکیا۔وہ اسلام آباداورلاہورکے مختلف اخبارات میں ڈیسک انچارج سب ایڈیٹراورنیوزایڈیٹرسمیت مختلف عہدوں پرکام کرتے رہے ۔
آصف علی فرخ معروف صحافی عاشق علی فرخ کے صاحبزادے تھے ۔عاشق علی فرخ کے انتقال کے بعدانہوںنے روزنامہ ایکسپریس ملتان میں ریذیڈنٹ ایڈیٹرکی حیثیت سے چارج سنبھالا۔وہ کالم اورسیاسی تجزیئے بھی لکھتے تھے ۔آصف علی فرخ گزشتہ کئی روز سے نشتر ہسپتال ملتان میں زیرعلاج تھے تاہم وہ کورونا سے جنگ لڑتے ہوئے جانبر نہ ہو سکے اور گزمنکل کے روزدم توڑ گئے۔
مرحوم نے پسماندگان میں میں بیوہ اور ایک بیٹا چھوڑا ہے۔ آصف علی فرخ کی نماز جنازہ بعدنمازمغرب خان ویلیج میں اداکی گئی جس میں صحافیوں سمیت لوگوں کی بڑی تعدادنے شرکت کی ۔انہیں ان کے آبائی علاقہ مصطفی آباد للیانی قصور میں بدھ کے روزسپردخاک کیاجائے گا۔
فیس بک کمینٹ