لندن : دنیا میڈیا گروپ کے عالمی نیوز آپریشن کے سربراہ اظہر جاوید نے خبر دی ہے کہ لندن میں ایک نوجوان نے مسلم لیگ نون کے دفتر کے باہر نواز شریف پر حملہ کیا ہے۔ اس نے فون پھینک کر مارا جو نواز شریف کے محافظ کو لگا۔جس سے گارڈ زخمی ہو گیا ۔
قائد نون لیگ دفتر سے باہر نکل رہے تھے کہ ایک نوجوان نے بدتمیزی کرتے ہوئے نواز شریف پر حملے کی کوشش کی گارڈز کے روکنے پر فون نواز شریف کو دے مارا جو گارڈ کو لگا“
”نواز شریف پر حملے اور گارڈ کے زخمی ہونے کی اطلاع لندن پولیس کو کردی ہے احسن ڈار مالک سکیورٹی ایجنسی“
مریم نواز شریف نے اس پر ردعمل دیتے ہوئے کہا کہ ”انشاءاللہ ان کو اب نہیں چھوڑنا۔“
دوسری طرف اے آر وائی نیوز کے صحافی فرید احمد نے خبر دی ہے کہ ”میاں نواز شریف کے سیکیورٹی گارڈز نے نوجوان پر تشدد کیا ، ویڈیو میں سیکیورٹی گارڈ کو شایان علی کو تھپڑ مارتے دیکھا جا سکتا ہے۔ سترہ سالہ شایان علی نون لیگ کے خلاف متعدد مظاہرے کر چکے ہیں، ان کی والدہ نے الزام عائد کیا ہے کہ بیٹے کو نون لیگی قیادت کے ایما پر تشدد کا نشانہ بنایا گیا۔ مسلم لیگ نون کے مطابق شایان علی نے سیکیورٹی گارڈ کے ماتھے پر موبائل سے حملہ کیا جس کے بعد سیلف ڈیفنس میں سیکیورٹی گارڈ نے ہاتھ اٹھایا، پولیس سیکیورٹی گارڈز نے کال کی۔ سیکیورٹی گارڈز ماضی میں صحافیوں کو بھی زبردستی ویڈیو بنانے سے روکنے کی کوشش کر چکے ہیں۔“
( بشکریہ : ہم سب نیوز )