افیئر چلانے آیا تھا، زبردستی شادی کرنی پڑگئی، شوہر دانیہ شاہ

لودھراں:سابق رکن قومی اسمبلی و سکالر مرحوم ڈاکٹر عامر لیاقت حسین سے رشتہ ازدواج میں بندھ کر راتوں رات شہرت کی بلندیوں پر پہنچنے والی دانیہ شاہ کے دوسرے شوہر نے اہم انکشافات کردیے۔
سوشل میڈیا پر وائرل ہونے والی ویڈیو میں 22 سالہ دانیہ شاہ کے دوسرے شوہر شہزاد لوہا پاڑ کی جانب سے میڈیا کو بتایا گیا کہ انہوں نے دانیہ کو محبت کا پیغام کچھ عرصہ افیئر چلانے کی غرض سے بھیجا تھا جو ان کے گلے پڑ گیا۔
دانیہ شاہ کے دوسرے شوہر نے بتایا کہ وہ حکیم ہیں، اس لیے دانیہ اپنی والدہ کی ادویات لینے ان کے پاس آیا کرتی تھیں۔
شہزاد کا کہنا تھا کہ کئی مرتبہ دوائی خریدنے کے بعد دانیہ نے انہیں اپنے گھر آنے کی دعوت بھی دی لیکن انہوں نے ہمیشہ انکار ہی کیا تاہم ایک دن وہ دانیہ کے گھر چلے ہی گئے جہاں وہ دانیہ کو دیکھ کر اپنا دل ہار بیٹھے۔
دانیہ شاہ کے شوہر کی چوتھی شادی، تہلکہ خیز انکشافات
انہوں نے اعتراف کیا کہ وہ دانیہ سے شادی نہیں کرنا چاہتے تھے، اُن کا ارادہ کچھ عرصہ افیئر چلانے کا تھا لیکن دانیہ بضد تھیں کہ انہیں نکاح کرنا ہے۔حکیم شہزاد نے مزید کہا کہ وہ بہت عرصے تک دانیہ کو مناتے رہے لیکن دانیہ کی ایک ہی شرط تھی جس کے بعد انہوں نے 3 شادیاں ہونے کے باوجود زبردستی دل پر پتھر رکھ کر دانیہ شاہ سے چوتھا نکاح کرلیا۔
(بشکریہ:ہنگامہ ایکسپریس)