اختصارئےحسنین رضویلکھاری

بڑھتی ھوئی مذہبی جنونیت اور فرقہ واریت کی تعلیم دینے والے مدرسے ۔۔ حسنین رضوی

کل پشاور کی ایک عدالت میں ایک ایسے شخص کو مبینہ طور پر احمدی ہونے / توہین رسالت / مجدد ھونے کا اعلان کرنے / پر گولی مار دی گئی ( مختلف آرا ) ۔۔ گولی مارنے والا مبینہ طور پر میٹرک کا طالب علم بتایا جارہا ہے ۔ پچھلے سال بھی بہاولپور میں اپنے ایک استاد کو اسی طرح کے الزام کے سبب گولی مار دی گئی تھی ۔ اس طرح کے واقعات آج کل تواتر سے پیش آرہے ہیں ، قاتلوں کو ”ہیرو “کا درجہ دے دیا جاتا ہے اور وہ قتل کرنے کے بعد بڑے پرسکون انداز میں انٹرویو دے رہے ہوتے ہیں وجہ یہ ہے کہ انھیں معلوم ہوتا ہے کہ اس قتل کی سزا انھیں نہیں مل سکتی کیونکہ نہ عدالتوں میں اتنا دم ہے اور نہ مقتول کے ورثا اتنے طاقتور ہوتے ہیں کہ اس طرع کے کیسز انجام تک پہنچیں . نتیجہ یہ نکلتا ھے کہ یہ قاتل یا تو معاف کردیے جاتے ہیں یا باعزت بری ہوجاتے ہیں۔
اور اگر کسی نہ کسی طور سزا مل جاتی ھے اور قاتل کیفرکردار تک پہنچ جاتا ہے تو کوئی جاہل لنگڑا لولا مولوی چند ہزار ” نکی سریاں ” اکٹھی کرکے حکومت کی ناک میں دم کردیتا ہے اور قاتل کو ” غازی علم دین ثانی ” قرار دے کر اسے ” ھیرو ” بنا دیتا ھے اورحکومت دیکھتی رہ جاتی ہے .
آخر اس سلگتے ہوئے مسئلے کا حل کیا ہے ؟ کیا ہر کسی کو توہین کا لیبل لگا کر گولی مار دینا اس مسئلے کا حل ہے ؟؟ یقیناً نہیں ، اگر گولی مارنے سے یہ مسئلہ حل ہوتا تو اب تک حل ہوچکا ہوتا . لیکن اس طرح کے کیسز کا آۓ روز وقوع پذیر ہونا اس بات کی دلیل ہے کہ گولی مارنا اس کا حل نہیں ، حل کچھ اور ہے .
ارباب دانش کو اس طرف توجہ دینی ہوگی ۔ ہر سال 3 لاکھ فارغ التحصیل نئے مولوی جن کی تعلیم واجبی ہوتی ہے اس معاشرے کا حصہ بنتے ہیں جو مذہبی جنونیت اور انتشار پھیلانے کا بڑا سبب ہیں ، عام تاثر یہ ہے کہ یہ مولوی ” دین ” پڑھے ہوتے ہیں جبکہ حقیقت میں.یہ ” فرقہ ” پڑھے ہوتے ہیں ، ان کو تعلیم اسلامی اصولوں کے مطابق نھیں بلکہ ” فرقے ” کی بنیاد پر دی جاتی ہے ، اس پر جتنی جلدی کنٹرول کیا جاۓ اتنا ہی معاشرے کیلئے بہتر ھوگا . اگر FATF کی گرے لسٹ سے اپنے ملک کو نکلوانا ہے اور بلیک لسٹ سے بچنا ہے تو ” مدرسہ اصلاحات ” تو کرنی پڑیں گی اور دینی مدرسوں کے نظام کو تبدیل کرنا پڑے گا ورنہ یہ.معاشرہ جو پہلے ہی ” انسانی معاشرہ ” نہیں رہا تیزی سے جنگل کے معاشرے میں تبدیل ہوجاۓ گا ۔۔

فیس بک کمینٹ
Tags

Adblock Detected

Please consider supporting us by disabling your ad blocker