عمران عثمانیکھیللکھاری

پاکستانی کرکٹرز کا معاوضہ نہیں کٹے گا، مصباح نے ہوم ورک دیدیا ۔۔ عمران عثمانی

پاکستان کرکٹ ٹیم کے کھلاڑیوں کو ہوم ورک مل گیا.چیف سلیکٹر و ہیڈ کوچ مصباح الحق نے آن لائن کلاس لگالی. سنٹرل کنٹریکٹ میں شامل کرکٹرز کو انفرادی طور پر روزانہ کی بنیاد پر ہوم ورک بھی مل رہا اور سنگین غلطیوں سے بھرا اعمال نامہ ویڈیو زکی شکل میں موصول ہورہا ہے لیکن کچھ اچھی ہدایات کے ساتھ.
یہ تیزی شاید اسلئے بھی ہے کہ آسٹریلیا اور انگلینڈ کی طرح پاکستان کرکٹ انتظامیہ و کھلاڑی اپنی تنخواہ میں کٹوتی پسند نہیں کریں گے ویسے پی سی بی ذرائع نے بھی تصدیق کرکے اسٹاف و کرکٹرز کو بے فکر کردیا ہے کہ یہاں فی الحال ایسا کٹوتی والا آپشن زیر غور نہیں ہے.
ہیڈ کوچ و چیف سلیکٹر مصباح الحق نے جاری لاک ڈائون کو کرکٹرز کیلئے توانائی جمع کرنے کا سنہری موقع بنا دیا ہے. کہتے ہیں کہ
“میرے کرکٹرز کو سوچنا چاہئے کہ یہ اپنے آپ کو توانا، مضبوط اور بہتر کرنے کا سنہری موقع ہے .بریک کرکٹرز کی بیٹری چارج کرے گی اور پھر بھوک پیدا کرے گی بہت کچھ سمیٹنے کیلئے کہ جب کرکٹ دوبارہ شروع ہوگی. میں نے کرکٹرز کو مثبت سوچنے اور آگے دیکھنے کی ہدایت کی ہے .یہ صورتحال نہایت عجب اور خطرناک ہے جو اس سے قبل پورے کیرئیر میں نہیں دیکھی گئی. اوپر سے یہ بھی نہیں معلوم کہ کب ختم ہوگی مگر کرکٹرز کو کہا ہے کہ مسلسل کھیل میں بریک جیسے بھی آیا، اچھا آیا. روزانہ کی بنیاد پر بلے بازوں اور گیند بازوں سے رابطے میں ہوں. پریکٹس، ورزش کی وقت کے ساتھ ہدایات جارہی ہیں اور پھر بعض کرکٹرز کے ہاں نیٹ کی سہولت موجود ہے. اچھے کھلاڑیوں کی تازہ پی ایس ایل اور قریب کی سیریز کی ایسی ویڈیوز جس میں غلطیاں کی گئ ہیں. اپنی نئی ہدایات کے ساتھ بھیجتا ہوں. ”
مصباح کہتے ہیں کہ اپنے اسسٹنٹ کوچ کی مدد سے محنت جاری ہے. آمنے سامنے کے نتائج کچھ اور ہوتے ہیں لیکن پھر بھی ممکنہ بہتری کی کاوش ہے .
مصباح اپنا دن کا 120 سے 150منٹ کا وقت ورزش اور پریکٹس میں گزارتے ہیں. انہوں نے دعوی کیا کہ جب حالات درست ہونگے تو وہ بھی کرکٹرز کے ساتھ پی سی بی کو فٹنس ٹیسٹ دیں گے اور پاس کریں گے.
مصباح نے بتایا ورلڈ کپ 1992کی ویڈیو ز بھی دیکھ رہا. صرف وقت گزارنے کیلئے نہیں بلکہ یہ سمجھنے کیلئے کہ مشکل وقت سے کیسے نکلا جاتا ہے.
مصباح نے حالیہ پی ایس ایل میں شاداب خان کی آل رائونڈ پرفارمنس کی تعریف کی اور ساتھ ہی حیدر علی اور خوشدل شاہ کو اچھی دریافت قرار دیا .انہوں نے کہا کہ ان پر بھی کام جاری ہے اور مستقبل کا لائحہ عمل بنا رہے ہیں.

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker