اہم خبریں

کورونا وائرس سے ملتان میں پہلی لیڈی ڈاکٹر جاں بحق ہو گئیں

ملتان: نشتر اسپتال میں عالمگیر وبا کورونا وائرس سے پہلی لیڈی ڈاکٹر جاں بحق ہو گئیں ہیں۔نشتر اسپتال کے فوکل پرسن ڈاکٹر ارشد کے مطابق نشتر میڈیکل یونیورسٹی کی سینئر ڈاکٹر غزالہ کئی دنوں سے آئی سی یو میں زیرعلاج تھیں، ڈاکٹر غزالہ نشتر یونیورسٹی میں فارما کالوجی کی پروفیسر تھیں۔
ڈاکٹر ارشد نے بتایا کہ ڈاکٹر غزالہ کو اچانک ہی بخار اور کھانسی کا حملہ ہوا جس کے بعد انہیں نشتر اسپتال آئی سی یو منتقل کیا گیا لیکن وہ جانبر نہ ہو سکیں۔ڈاکٹر غزالہ کی 3 بیٹیاں ہیں اور ان کی ایک بیٹی ڈاکٹر جب کہ دو بیٹیاں ابھی پڑھ رہی ہیں۔
واضح رہے کہ نشتر اسپتال کے آئی سی یو میں کورونا وائرس کے 61 مریض زیرعلاج ہیں جب کہ نشتر اسپتال میں کورونا وائرس سے 75 افراد جاں بحق ہو چکے ہیں۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker