ملتان ( اے پی پی) ملتان سمیت ملک بھر میں طویل عرصے کے بعد عاشورہ محرم کے موقع پر موبائل سروس بند نہیں کی گئی اور تمام امور معمول کے مطابق جاری رہے ۔ 9اور 10محرم الحرام کوسکیورٹی کے پیش نظر موبائل سروس کی بندش کاسلسلہ گزشتہ کئی برسوں سے جاری تھا۔
تاہم اس مرتبہ آئی جی پنجاب ڈاکٹر عثمان انور نے دس محرم کو موبائل فون بند کرنے کی درخواست واپس لے لی ۔سروس جام نہ کرنے کی درخواست محکمہ داخلہ پنجاب کو بھیجی گئی جس کے بعد پنجاب بھر میں 9اور 10محرم کو موبائل سروس بحال رہی۔
اسی طرح وزارت داخلہ کی جانب سے بھی ملک میں فون کی بندش کی کوئی تجویز زیر غور نہ آئی ۔
زندگی کے مختلف شعبوں سے تعلق رکھنے والے افراد نے عاشورہ محرم کے موقع پر سکیورٹی کے انتظامات اور موبائل فون بند نہ کیا جانے کا خیرمقدم کیا ہے اور کہا ہے کہ اس اقدام سے عوام میں تحفظ کااحساس پیدا ہوا ۔
فیس بک کمینٹ