لاہور :سابق وزیراعظم اور پاکستان مسلم لیگ (ن )ک ے قائد نواز شریف نے کہا ہے کہ عوام کو فتنہ پرور شرپسند عناصر کے رحم و کرم پر نہ چھوڑا جائے۔
پاکستان مسلم لیگ (ن) کا اہم مشاورتی اجلاس ماڈل ٹائون میں ہوا، جس میں ملکی سیاسی صورتحال لانگ مارچ اور قبل از وقت انتخابات سے متعلق تفصیلی مشاورت کی گئی۔اہم مشاورتی اجلاس میں مسلم لیگ (ن) کے قائد اور پاکستان کے سابق وزیراعظم نوازشریف بھی ویڈیو لنک کے ذریعے شریک ہوئے۔
اجلاس کے دوران اظہار خیال کرتے ہوئے نوازشریف کاکہناتھا کہ گزشتہ حکومت کا ملبہ ہم کیوں اپنے سر لیں ، ملک کو انتشار پیدا کرنے والوں کے رحم و کرم نہیں چھوڑا جائے۔پی ٹی آئی کی جانب سے اعلان کردہ مارچ پر تنقید کرتے ہوئے سابق وزیراعظم کا کہنا تھا کہ لانگ مارچ کا شور آئی ایم ایف سے مذاکرات کو متاثر کرنے لیے مچایا گیا۔
نواز شریف نے کہا کہ پی ٹی آئی کے مارچ سے متعلق اتحادیوں کو مکمل اعتماد میں لیا جائے اور کیے جانے والے ہر فیصلے میں سابق صدر آصف زرداری کو ساتھ رکھا جائے۔
(ن) لیگ کے قائد نے اجلاس کے دوران اہنماؤں کو ہدایت دیتے ہوئے کہا کہ انتخابی اصلاحات کا بل جلدی تیار کرکے اسے قومی اسمبلی سے پاس کرایا جائے اور چیئرمین نیب کی تعیناتی کے لیے فوری اپوزیشن لیڈر سے مشاورت کا آغاز کیا جائے۔ان کاکہناتھا کہ عوامی مینڈیٹ ہی تمام قومی و عوامی مسائل کا حل ہے۔
اہم مشاورتی اجلاس کے دوران پنجاب اسمبلی میں (ن) لیگ کی حمایت کرنے والے اراکین کی تعداد سے متعلق شہباز شریف اور حمزہ شہباز نے نوازشریف کو آگاہ کیا۔اجلاس کے دوران میں پنجاب کے بڑے شہروں میں (ن) لیگ کی جانب سے مزید جلسے کرنے کا فیصلہ بھی کیا گیا۔
( بشکریہ : ڈان نیوز )
فیس بک کمینٹ