انضمام اپنے بھانجے امام الحق کو کپتان بنانے کے لئے سرگرم : سرفراز تنہا رہ گئے

لاہور : ورلڈ کپ کرکٹ ٹورنامنٹ کھیلنے والی پا کستانی ٹیم بدترین گروپنگ کا شکارہوگئی ہے اور انضمام الحق نے اپنے بھانجے امام الحق کو کپتان بنانے کے لیے سرتوڑ کوششیں شروع کردی ہیں۔ تاہم اس کے لیے ورلڈ کپ ختم ہونے کا انتظار کیا جائے گا۔ذرائع کے مطابق لاہور میں پی سی بی چیئرمین کی موجودگی میں امام الحق کو یہ کہا گیاتھا کہ آپ اگرورلڈ کپ میں ایک اننگز بھی اچھی کھیل آئیں گے تو آپ مستقبل کے کپتان ہوں گے۔ذرائع کے مطابق کرکٹ کی سیاست پر ہمیشہ سے لاہوری گروپ کاقبضہ رہا ہے اوراس لاہوری گروپ میں اوروں کے ساتھ ساتھ نجم سیٹھی بھی شامل ہیں۔ عمران خان کے وزیراعظم بننے کے بعد لاہوری گروپ طاقت ور ہوگیا ہے اوراس نے جارحانہ انداز میں من مانی شروع کردی ہے۔کراچی کے کھلاڑیوں کو اس صورتحال میں ہمیشہ پریشانی کاسامنا کرناپڑا۔اس ٹورنامنٹ کے دوران بھی جو گروپ انضمام الحق کی شہ پر امام الحق کے لیے کام کررہاہے اس میں آصف، بابراعظم اور شعیب ملک شامل ہیں۔دوسری جانب سرفراز کے ساتھ صرف جاوید میانداد کے بھانجے فیصل اقبال ہیں۔