عمران عثمانیکھیللکھاری

پی سی بی کی طرف سے کرکٹرز کی تنخواہوں میں کٹوتی نہ کرنے کا اعلان ۔۔ عمران عثمانی

پاکستان کرکٹ بورڈ نے ایسے حالات میں کہ جب آسٹریلیا، انگلینڈ جیسے امیر و طاقتور ممالک میں اسٹاف کی فراغت،تنخواہوں کی کٹوتی اور بجٹ میں کمی ہورہی ہے، بےمثال اعلان کرکے سب کے دل جیت لئے ہیں. چیئرمین پی سی بی احسان مانی نے اعلان کیا ہے کہ کورونا وائرس کی وجہ سے جاری لاک ڈائون اور کرکٹ سرگرمیوں کی معطلی کے باوجود کھلاڑیوں کی تنخواہ کم ہوگی اور نہ ہی اسٹاف کی جبری فراغت ہوگی. کرکٹر ز لے سنٹرل کنٹریکٹ بھی معمول کے مطابق اپ ڈیٹ ہونگے اس میں گریڈ کی تبدیلی معمول کے مطابق ہوگی.
پی سی بی چیئرمین نے یہ بھی کہا کہ انٹرنیشنل اور فرسٹ کلاس کرکٹرز جو پی سی بی سے کنٹریکٹ پر ہیں، ہم ان کا پورا تحفظ کریں گے، ریٹائر پلیئرز کو پنشن معمول کے مطابق ملتی رہے گی اور سابق کرکٹرز یا اسٹاف ممبر کو اگر صحت کے کوئی مسائل ہیں تو پی سی بی ان کی مدد کرے گا اور ہم نے گزشتہ 2 سالوں میں بہت سے ایسے کرکٹرز کی مدد بھی کردی ہے.
احسان مانی کہتے ہیں کہ اسٹاف ہے تو بورڈ ہے اور اسی طرح کرکٹرز ہیں تو کرکٹ ہے. تمام لوگ اپنی صحت کا خاص خیال رکھیں اور معاملات سے بے فکر ہوجائیں.
پی سی بی کا یہ اعلان جاری حالات میں تمام اسٹاف و کرکٹرز کے لئے تازہ ہوا کا جھونکا ہے.
یاد رہے کہ انگلینڈ کرکٹ بورڈ اپنے تمام اسٹاف کی تنخواہ میں 20 فیصد کٹوتی کر چکا ہے جبکہ کرکٹرز نے از خود اگلے 3 ماہ کی 20 فیصد تنخواہ چھوڑی ہے. آسٹریلیا میں بھی ڈومیسٹک کرکٹ پر ملین ڈالرز کا کٹ لگ چکا ہے جبکہ کرکٹرز کا کنٹریکٹ ایک ماہ کے لئے موخر کرکے اس کی شرائط آمدنی سے مشروط کئے جانے کی تیاری جاری ہے جس سے کھلاڑیوں کو بھاری نقصان ہوگا.

فیس بک کمینٹ

متعلقہ تحریریں

Adblock Detected

Please consider supporting us by disabling your ad blocker