انگلینڈ نے آسٹریلیا کو چیمئنز ٹرافی سے باہر کر دیا : بنگلہ دیش سیمی فائنل میں پہنچ گیا

ایجبسٹن : انگلینڈ اور ویلز میں جاری چیمپیئنز ٹرافی کے دسویں میچ میں انگلینڈ کی ٹیم نے آسٹریلیا کے خلاف 40 سے کامیابی حاصل کر لی ۔ میچ کا فیصلہ ڈک ورتھ لوئس فارمولے کے تحت ہوا۔ انگلینڈ کی ٹیم آسٹریلیا کے خلاف 278 رنز کے ہدف کا تعاقب کر رہی تھی کہ بارش کے باعث میچ روکنا پڑا۔ بارش کے باعث جب کھیل رکا تو اس وقت کریز پر بین سٹوکس اور جوس بٹلر موجود تھے اور انگلینڈ نے 40.2 اوورز میں چار وکٹوں کے نقصان پر 240 رنز بنائے تھے۔ انگلینڈ اچھے رن ریٹ کی وجہ سے یہ میچ جیتنے میں کامیاب تھا۔ گروپ اے سے انگلینڈ‌ کی ٹیم بنگلہ دیش اور نیوزی لینڈ کو شکست دینے کے بعد سیمی فائنل کے لیے کوالیفائی کر چکی ہے جبکہ آسٹریلیا کے بنگلہ دیش اور نیوزی لینڈ کے خلاف دونوں میچ بارش کے باعث بغیر کسی نتیجے کے ختم ہوگئے تھے۔ یوں آسٹریلیا ٹورنامنٹ سے باہر ہو گیا ۔ انگلینڈ کی جانب سے آسٹریلیا کو شکست دیے جانے کے بعد بنگلہ دیش نے بھی سیمی فائنل کے لیے کوالیفائی کر لیا ہے۔